ТОП просматриваемых книг сайта:
Kitobxon
Все книги издательства Kitobxon
Аннотация
Ushbu asar 1875 yilda Buxoro amirligiga tashrif buyurgan N.A.Maev boshchiligidagi ilmiy ekspedisiya natijasi bo'lib, unda O'rta Osiyo, xususan, Buxoro amirligining XIX asr ikkinchi yarmidagi ijtimoiy-iqtisodiy hayoti, o'lka tarixi va madaniyati, tabiati, hayvonot dunyosi, geografik o'rni haqida va boshqa muhim ma'lumotlar berilgan. N.A.Maevning «Buxoro xonligi ocherklari» asari 1879 yilda Sankt-Peterburgda «Turkiston o'lkasining statistikasi uchun materiallar» nomli yilnomada chop etilgan. Ushbu asar XIX asr ikkinchi yarmidagi mamlakatimiz tarixiga mansub qimmatli ma'lumotlarni o'zida mujassam etganligini va sanoqli nusxalarda nashr qilinganligini e'tiborga olib, taniqli tarixchi olim Ismoil Botirov tomonnidan ilk marotaba o'zbek tiliga o'girilib nashrga tayyorlangan. Ushbu ilmiy to'plam tarjimasi tarixchi olimlar, o'quvchi-talabalar, qolaversa, yurtimiz tabiati va o'lka tarixi bilan qiziquvchi keng kitobxonlar ommasiga mo'ljallangan.
Аннотация
Муаллиф узоқ йиллар давомида суд-ҳуқуқ идораларида раҳбарлик лавозимида тер тўкиб, ўз профессионал фаолиятида қатор чигал жиноят ишларини кўриб чиққан. Бу ишларнинг баъзилари детектив қиссаларга мавзу бўлган. Ушбу асарлар ҳам айнан шундай сюжет асосига қурилган. Реал воқеалар негизига суянган ҳолда ёзилган бу асар китобхонга маъқул бўлади, деган умиддамиз.
Аннотация
"Judolik diyori" romaning mazkur ikkinchi kitobida siz, azizlar, birinchi kitobda o'qib, mehr qo'yganingiz qahramonlar – Sultonmurod, Marg'ubalarning taqdirlari, Mahfuza, Yodgormurod, Hoziq to'ra, Eshon pochcha va diyoridan adashgan turnalardek hali-hanuz to'zib yurgan qavm hayoti-kechinmalaoi bilan tanishasiz. Adib bu asarda sarguzasht unsurlaridan mahorat bilan foydalanganki, bu sizni befarq qoldirmaydi, deb o'ylaymiz.
Аннотация
"Jondan aziz ukajonim, Maqsud, bu besh kunlik omonat dunyoni sizlarga tashlab keta turib, u ota yurtni, sizlarni, xolalarimu pochchalarimu tog'alarimni, bu dunyodan o'tib ketgan barcha mahalladoshlarni esladim. Va Ulug'xo'jaboylar sulolasining umidli novdasi bo'lgan senga shu omonat gaplarimni qoldirgim keldi…Maqsud, qo'y, o'zingni bos. Yig'lama. Men senga armonlarimnimas, o'z xato-yu gunohlarimni to'kmokdaman. Yolg'iz Olloh va o'zimgina biladigan gunohlarimni senga ishonib aytmokdaman. Sen uzoqqa boradurgan yigitsan, tushunib olarsan, deb o'ylayman. Yurtimizda kimlar meni qaroqchi deb atar, kimlar so'nggi bosmachi, deb tavqi la'nat tamg'asini bosib ham qo'ygandir. Balki, ba'zilar birovning to'yini buzib, nikohidagi ayolini olib qochgan nobakor deb bilar. Lekin men, Hudovandi Karimga ming qatla shukrlarki, u gunohi azimga botib ulgurmadim. Mening gunohim boshqa narsada: bu dunyoda har neki Ollohning izni-irodasisiz bo'lmasligini unutib, Bahriddin oshnamning qasosini olmaguncha qo'ymayman, deb qasam ichganim va shu niyat bilan bir bandaga bilib-bilmay zulm o'tkazib qo'yganimdir! Men sultonlar ham jur'at etolmaydigan bir jazoni inson bolasiga, Hudo qo'shqo'llab urib qo'ygan kimsaga ravo ko'rib, yomon adashibman. U asli beayb bo'lib chikdi, Maqsud…"Adib Murod Mansurning «Judolik diyori» asari ana shu tarix va kechmishlar haqida bahs etadi.
Аннотация
Муродбой оддийгина кўзи қисиқ қорақалпоқ йигити. Жуссаси ҳам, қад-қомати ҳам одмигина; ундан кулгили ҳикоялар, ҳангомалар чиқишига ҳеч ҳам ншонгингиз келмайди. Аммо, асарларини ўқисангиз ё радиодан эшитсангиз ўз-ўзингиздан қиқир-қиқир кулаётганингизни сезмай қоласиз. Худо берган истеъдод эканда! Ё товба, ҳаёт икир-чикирларига микроскоп орқали қарайдими, билмадик. Оддийгина нарсалардан кулги чиқаради бу йигит.Ушбу мажмуага кирган асарлари ҳам Муродбойнинг кулгисига, истеҳзосига йўғрилгандир. Ўқинг, маза қилиб кулинг, азиз китобхон!
Аннотация
Munavvara Tillaboyeva ijodi bugun ko'pchilikka tanish. Shoiraning bolajonlarimizga atalgan navbatdagi she'riy majmuasi yosh kitobxon do'stlarimiz uchun haqiqiy sovg'a bo'ldi, desak, mubolag'a emas.Turli mavzularni o'z ichiga qamrab olgan mazkur to'plam ilk maktab yoshidagi o'quvchilarning she'r, ertak, masal va hikoya o'qishga bo'lgan qiziqishini oshiradi. Qolaversa, kitobdan o'rin olgan har bitta she'r shunday jozibaga egaki, bolajoningiz uni bir o'qishdayoq yod olishga ulguradi.Maroqli mutolaa tilaymiz, sizga!
Аннотация
Ҳар бир у ёки бу янги асарнинг минг бир алам ва азоб билан туғилиши, дунё юзини кўриши машаққат ва масъулиятнинг ўзгинаси. Буни ёзувчилик, ижодкорликдек сира ниҳояси, интиҳоси бўлмаган йўлга кириб қолган, игна билан қудуқ қазиш маҳоратини пухта ва мукаммал эгаллаган заҳматкаш адибгина билади, холос. Бу ўринда биз қора меҳнатни, тор кулбада тунни тонгга улаган бедорликни, узоқ тарих ва ўтмиш тариқатимизга оид қанчадан-қанча изланишларни, не-не классик асарларни муттасил мутолаа қилишни назарда тутаяпмиз. Оппоқ, беғубор вароқни эртаю кеч қоралашни аслида чидаганга чиқарган. Ана шундай машаққатларга чидаб, ҳар йили ўз китобхонларига янги тўплам яратаётган серқирра ижод соҳиби Музаффар Жаҳон «Қароқчилар ғори» номли янги йирик прозаик асарини сизнинг ҳукмингизга ҳавола қилаяпти…
Аннотация
Музаффар Жаҳон 2002 йилда «Қизилқумцемент» ОАЖ нинг 25 йиллик юбилейи ҳақида «Саҳро саҳнидаги хазина» китобини ёзган эди. Бу янги тўплам ўша анъананинг давоми бўлиб, корхонанинг шонли 30 йиллиги ҳақида. Тўпламда Навоийлик цементсозлар ҳаёти, ташаббускорлиги моҳирона қаламга олинган. «Олов орасидаги одамлар» деб номланган ушбу китоб умид қиламизки, китобхонларга маъқул бўлади.
Аннотация
Navoiylik iste'dodli yozuvchi Muzaffar Jahon poeziya va prozada o'zini sinab kelayotgan adiblardan. U bu galgi to'plamini «Kuloh va gunoh» deya nomladi. Buning o'ziga xos mazmun-mohiyati bor, albatta. Chunki bu kitobda bugungi zamon kishilari taqdiri, qismati o'laroq, islom dini ulug'lari, donishu bakrlari ham batartib qalamga olingan. Ishonamizki, bu to'plam ham avvalgi kitoblar singari kitobxonlarimiz qalbidan chuqur joy oladi va mushohadalarga sabab bo'ladi.
Аннотация
Mixail Lermontovning «Zamonamiz qahramoni» qissasi o'quvchini haqiqatda o'ylatadi. Asar insoniy munosabatlar – do'stlik, muhabbat, sadoqat va xiyonat, axloq qoidalari ustiga qurilgan. Bosh qahramon – Zamonamiz qahramoni, ya'ni Pechorin ijobiy obraz emas, ammo uning aniq bir xislatini odamiylikdan mutlaqo yiroq, deb baholashimiz ham o'rinli emas. Zamonamiz qahramoni – yozuvchining o'zi e'tirof etganidek, odamlarni qusurdan davolash uchun zarur bo'ladigan «achchiq dori, o'tkir haqiqat». Pechorin bizning oramizda, bir havodan nafas olayotgan tanishimiz yoki qo'shnimiz. Uning illatini oshirib, muqarrar jazoga ro'para qilish insoniylikka qanchalik xos? «Dardning qanday dard ekanligini ko'rsatib berishning o'zi kifoya, uni qanday davolashni Xudo biladi».