LITMIR.BIZ

To'plamda muallifning uzoq yillik ijodiy izlanishlaridan namunalar jamlangan. To'plamdan joy olgan «Tojimahaldagi muhabbat» hikoyasida «Tojimahal» qasrini bunyod etishda bosh-qosh bo'lgan Jahon Oro begim haqida so'z boradi. Tojimahal Hindistonning buyuk timsoliga aylangan dunyoning mo''jizalaridan biridir. To'plamda tarixiy manbalarga tayangan holda Hindistonda 300 yildan ziyodroq vaqt mobaynida hukumronlik qilgan Boburshoh sulolasining yirik vakillaridan biri Jahon Oro begimning sof muhabbati va u olib borgan ishlar xususida so'z yuritiladi. Shuningdek, to'plamdan joy olgan boshqa hikoyalarda sevgi-muhabbat, sadoqat, vafo, insoniylik kabi xislatlar tarannum etilgan. Bundan tashqari, to'plamdan ona allasi, odob-ahloq, ustoz-shogird kabi ma'rifiy mavzulardagi maqolalar, qatralar hamda dildagi gaplarga ham o'rin berilgan.

Подробнее

Ushbu kitobga hozirgi zamon turkiy xalqlar adabiyotlarining atoqli vakillaridan biri, O'zbekiston va Qoraqalpog'iston xalq shoiri, O'zbekiston Qahramoni Ibroyim Yusupov (1929 – 2008) tomonidan o'z ijodiy faoliyati davomida yaratilgan eng sara she'rlar jamlandi. Ularni Mirtemir, Zulfiya, Shuhrat, J. Jabborov, H. Sharipov, A.Abdurazzoq, N. Narzullaev, E. Vohidov, A. Oripov, M. Ali, O. Matjon, M. Jalil, O. Hojieva, H. Hudoyberdieva kabi turli avlodga mansub iste'dodli shoirlarimiz tarjima qilganlar. Mazkur she'rlarda odam, olam hamda zamonning daryodek to'lqin urgan jo'shqin kechinmalari rostgo'y, teran fikrlovchi lirik qahramonning yuragi orqali sehrli satrlarga muhrlangan.

Подробнее

Asosan voqeiy hikoyalardan tashkil topgan mazkur to'plam ijodkorning ko'p yillik ijodi samarasidir. Hayot sinovlari, inson irodasi, shukr va noshukrlik, tuyg'ular va aql tarozisi, odamiylik fazilatlari haqidagi hikoyalar bilan adiba o'quvchilar mehrini qozonadi, degan umiddamiz.

Подробнее

Асосан воқеий ҳикоялардан ташкил топган мазкур тўплам ижодкорнинг кўп йиллик ижоди самарасидир. Ҳаёт синовлари, инсон иродаси, шукр ва ношукрлик, туйғулар ва ақл тарозиси, одамийлик фазилатлари ҳақидаги ҳикоялар билан адиба ўқувчилар меҳрини қозонади, деган умиддамиз…

Подробнее

Азиз ўқувчи! Ушбу китобим орқали яна сиз билан учрашиб, диллашиб, сирлашиб турганимдан беҳад мамнунман. Ёзганла­римни яна Сизнинг ҳукмингизга ҳавола этгим келди. Бу гал Сизга воқеий ҳикоялардан иборат тўпламимни тақдим эта­япман. Ён-атрофимизда содир бўлган ва бўлаётган воқеалар ҳеч биримизни бефарқ қолдирмаслиги табиий ҳол. Чунки ҳар биримизнинг ҳаётимизда мана шу воқеалар маълум бир маъ­нода акс этиши мумкин. Мен ҳам шулардан – кўрган-билганим ва эшитганларимдан таъсирландим ва қаламга олдим. Уларни қай даражада ёритганим, Сизга етказа олганим эса зукко фи­крингизга, одил ҳукмингизга ҳавола.Айни дамда Мудофаа вазирлиги «Ватанпарвар» Бирлашган таҳририятида фаолият юритаётганим учун ҳарбий хизмат­чилар ва уларнинг ҳаётида рўй берган айрим воқеалар ижо­димдан салмоқли даражада ўрин олганини таъкидлаб ўтишни истардим.

Подробнее

Одамлар бор: турли-туман, ҳиссиётга лиммо-лим, ҳиссиётсиз, туйғуларга бегона. Кимдир яхшилик сари интилади, эзгуликка қўл уради, бошқа бирови ёмонликдан заррача ҳазар қилмайди. Кимларгадир кўнгил ёрасан, яқин одамингдек туюлади у. Дилдан ҳасратлашай, дейсан. Одамзод ўз ичига сиғмаса нима қилсин?! Одам тафтини одам олади, ахир!.. Зулфия Қуролбой қизининг қаҳрамонлари кўнгилга яқин кишилар. Уларнинг ҳам дарди-дунёси, орзу, армонлари бор. Бу одамларнинг кўнгли – дарё. Бироқ, кўнгил, кўнгил деб кўнгилнинг айтганларига кўнаверсанг, нима бўлади?..

Подробнее

Она – муқаддас. Жаннат оналар оёғи остида. Уларга бошимиз ерга теккунча таъзим қиламиз. Лекин, бундай улуғлашларни ҳамма онага нисбатан қўллаш тўғримикан? Бу мақтовлар ёвузларнинг, дунёдаги машъум воқеаларнинг содир қилинишига сабабчи бўлаётган қонхўр кимсаларнинг оналарига ҳам тааллуқлими? Нега бир оилада тарбияланган фарзанд қобил бўлиб, у ҳалол, пок, фақат эзгу мақсадлар билан яшайди-ю, яна бир оилада улғайгани эса ноқобил, ҳаром-ҳаришнинг фарқига бормайди, у гиёҳванд ёки ўз танасини сотиб ОИТСга чалинган, пул учун ҳамма нарсага тайёр, ҳатто ватанфурушликка ҳам? Бунинг сабаби нимада? Бир қанча детектив асарлар муаллифи Зулайҳо Машарипова ушбу романда шу каби қийин саволларга ҳаётий воқеалар асосида жонкуярлик билан жавоб топишга ҳаракат қилиб, давримизнинг энг оғриқли нуқталарига китобхон эътиборини қаратган.

Подробнее

Jahon mumtoz adabiyotining darg'alaridan biri, buyuk fransuz adibi Jyul Vern (1828 – 1905) tengi yo'q sarguzashtnavis, o'z zamonasidan ilgarilab ketgan betimsol fantast edi. Mana, qariyb bir yarim asrdirki, Vern asarlarining oddiy va xalqchil, ayni paytda o'zida mardlik, iroda va sadoqat kabi yuksak fazilatlarni mujassam etgan qahramonlari jahon kitobsevarlarini hayajonga solib kelmoqda. Endi o'zbek kitobxonlari ham taniqli adib buyuk merosining bir qismi bo'lgan «Muzlar iskanjasida» va «Robinzonlar maktabi» asarlari bilan tanishish imkoniga ega bo'ldilar. Jiddiy sarguzasht asar sanaluvchi «Muzlar iskanjasida» qissasi yozuvchi ijodining ilk davrida – 1855 yilda yozilgan bo'lsa, komedik chizgilarga boy «Roibnzonlar maktabi» sarguzasht romani 1882 yilda dunyo yuzini ko'rdi. Turli taqdirlar, qahramonlar va favqulodda qiziqarli burilishlarga boy mazkur ikki asar o'zbek sarguzasht ishqibozlari uchun tom ma'noda munosib sovg'a bo'ladi degan umiddamiz.

Подробнее

Ушбу китоб сурхондарёлик машҳур кўз доктори, умри давомида минглаб кишиларнинг кўзига нур бағишлаган олижаноб инсон Тошпўлат Валиевнинг ҳаёти ва фаолияти ҳақида. Китобни ўқигач, ҳозирги кунда фарзандлар, дўсту ёронлар даврасида умргузаронлик қилаётган бу инсоннинг эришган ютуқлари фақат меҳнат, интилиш эвазига эканлигига амин бўласиз ва бу инсонга беихтиёр ҳавас қиласиз…

Подробнее

Жаҳонгир Холмирзаев машҳур ёзувчи, буюк адиб Шукур Холмирзаевнинг фарзанди. Ушбу тўпламдан Жаҳонгир Холмирзаевнинг ҳикоялари, эсселари ҳамда қиссалари ўрин эгаллаган. Уларда ёшларимизнинг бугунги ҳаёти, маънавияти, орзу ва интилишлари қаламга олинган. Адибнинг сўнгги йилларда ёзган «Бу кунлар ҳам ўтиб кетар…», «Илк қадам», "Еттинчи ҳаёт, «Тумор» каби автобиографик бадиалари ҳам ўз китобхонларини топади, деб умид қиламиз.

Подробнее