ТОП просматриваемых книг сайта:
Kitobxon
Все книги издательства Kitobxon
Аннотация
Дарахтлар… Биз уларнинг соясида ҳузурланиб, мевасидан баҳраманд бўламиз, шох-шаббалари, танаси ва кундасидан ўтин сифатида фойдаланамиз. Тол, терак, қайрағоч ва арча дарахтларидан қурилиш материаллари, эшик-деразалар ясалса, тут, ёнғоққа ўхшаганлар чолғу асбоблари ясашда, халқ амалий санъати ва ўймакорликда қўл келади. Энг муҳими, уларнинг гули ва барги, меваси, елими ҳатто танасидаги пўкаклару томиригача инсон саломатлиги учун дори-дармон, шифобахш шарбат ва дамлама бўлишини ҳамма ҳам билавермайди.Ҳавола қилинаётган Ҳомиджон Зоҳидовнинг «Шифо хазинаси» китобининг учинчи рисоласи «Дарахтлар мўъжизаси» деб номланиб, ана шу мўъжизалар сир-асрорлари ҳақида гап боради…
Аннотация
Ҳаёт улуғ муаллим, у инсонга сабоқ беради, ўзининг қайноқ қучоғида вояга етказади. Инсон умри эса гўё шеърий насимлардан иборатдек. Қизириқлик ёш ижодкор Холмурод Норқуловнинг кўнгил битикларида ҳам ҳаётнинг ёрқин фалсафаси бўй кўрсатади, нозик туйғулар юрагингизда садо беради. Ушбу тўпламдан жой олган шеьрлар сизни бефарқ қолдирмайди деган умиддамиз.
Аннотация
Sermahsul ijodkor Holiqnazar Olishning she'rlarida yurtga sadoqat, ota-onaga mehr, do'stlikka vafo tuyg'ulari o'ziga xos tashbehlar orqali go'zal ifoda etiladi…
Аннотация
Qo'lingizdagi ushbu kitobcha yosh qalamkash, Xoldor Ratievning ilk she'riy toplamidir.
Аннотация
Mazkur asar O'zbekiston Respublikasining Asosiy qonuni – Konstitusiyaning «Inson va fuqarolarning asosiy huquqlari, erkinliklari va burchlari» haqidagi ikkinchi bo'limiga bag'ishlanadi. Asarda inson huquqlari va erkinliklari to'g'risida qisqacha tarixiy va hozirgi zamon xalqaro hujjatlaridagi ma'lumotlarga e'tibor qaratiladi. Inson huquqlari va erkinliklari to'g'risidagi umumiy qoidalar, fuqarolik tushunchasi va mohiyati, shaxsiy, siyosiy, ijtimoiy-iqtisodiy huquqlar, ularni amalga oshirishning kafolatlari, fuqarolarning asosiy burchlari va boshqa konstitusiyaviy ahamiyatga ega masalalar tahlil qilinadi.
Аннотация
Мазкур китоб XX асрда Ўзбекистонда кўзга кўринган жамоат арбоби, молия тарихи асосчиларидан бири, таниқли олим ва иқтисодчи, Ўзбекистонда хизмат кўрсатган иқтисодчи, иқтисод фанлари доктори, профессор, Ҳикмат Собировнинг танланган асарлари ва олимнинг ҳаёт йўли, илмий фаолияти ҳақидаги ҳикояларни ўзига жам этган.Китобнинг биринчи қисми Ҳикмат Собиров томонидан яратилган «Ўзбекистон Давлат молия тарихи» деб номланган ўқув дарслигини ўз ичига олган. Унда Ўзбекистон давлат молияси тарихининг курси Янги Ўзбекистон тарихини таркибий қисми сифатида кўрилиб, қадимги даврдаги Марказий Осиё давлат молияси, Амир Темур давридаги ўзбек давлатчилиги молияси, Кўқон, Хива хонликлари ва Бухоро Амирлиги молияси, Туркистон генерал-губернаторлигининг молиялари таҳлил қилинади. Шу билан бирга мустақил Ўзбекистон молиясининг шаклланиш даврига ҳам китобда муносиб ўрин ажратилган.Шунингдек, мазкур китобнинг «Иқтисодий таффакур гулшани» деб номланган иккинчи қисмида иқтисодий тарихимизни ўрганишда муҳим манбалардан ҳисобланган Амир Темурнинг «Темур тузуклари» Ал-Марғинонийнинг «Ал-Ҳидоя» А.Навоийнинг «Ваҳфия» Берунийнинг «Ферузаси» Беҳбудийнинг «Жуғрофия дарсликлари» каби ноёб асарлари таҳлил қилинади ва уларнинг иқтисодий тарих учун муҳим тарафлари кўрсатиб берилади. Шунингдек, китобнинг иккинчи қисмида Ўзбекистон тарихида иқтисодиётни тутган ўрни бир қатор илмий-оммабоп мақолалар -"Мустақиллик ва пул", «Ҳисобли дўст айрилмас», «Бухоро амирлигининг олтинлари» орқали кўрсатиб берилади.Китобнинг учинчи қисми «Хотиралар ва суҳбатлар» деб номланган. Бунда олимнинг ҳаёт йўли унинг оила аъзолари ва шогирдларининг эсдаликлари, кичик маҳолалар орқали баён қилинади."Ибратли умр йўллари" китобига киритилган асарлар, мақолалар, маълумот ва таҳлил, ёдномалар Ўзбекистон молия тарихини ўрганишда муҳим манба бўлиб хизмат қилиши шубҳасиздир.
Аннотация
Профессор Ҳерберт Кессон кишиларнинг ўз-ўзини катта ҳаётга тайёрлаши, омад ва бахтга эришиш учун ҳаракат қилиш йўллари тўғрисидаги бир қатор китоблари билан Сиз ўқувчиларга яхши таниш. Савдо санъати китобида эса ёзувчи ҳозирда жуда долзарб бўлиб бораётган савдо маданияти, сотувчи ва харидор муносабатлари ҳамда молни қандай қилиб тез ва кўп сота олиш сирлари ҳақида қизиқарли маълумотлар берган. Бозор иқтисодиёти шароити ва савдо соҳаси жадал суръат билан ривожланиб бораётган ҳозирги кунда бу китобнинг аҳамияти беқиёс, деб ўйлаймиз. «Савдо санъати» Сизга манзур ва фойдали бўлишига умид қиламиз.