ТОП просматриваемых книг сайта:
Kitobxon
Все книги издательства Kitobxon
Аннотация
"Fizika o'qitishning nazariy masalalari" nomli o'quv qo'llanma malaka oshirish kursi tinglovchilari uchun mo'ljallangan bo'lib, unda O'rta Osiyolik mutafakkirlarning ilmiy meroslari va jahon tarixida tutgan o'rni, O'zbekistonda fizika fanining rivojlanishi va istiqbollari, fizika o'qitish metodikasi tarixi va rivojlanishi kabi masalalar ilmiy-nazariy jihatdan yoritilgan.
Аннотация
"Fizika o'qitish metodikasi" nomli o'quv qo'llanma malaka oshirish kursi tinglovchilari uchun mo'ljallangan bo'lib, unda didaktika, pedagogika, psixologiya fanlarining hozirgi zamon yutuqlari hisobga olingan holda o'rta maktabda fizika o'qitishning maqsad va mazmuni hamda uni takomillashtirish jihatlari yoritilgan.
Аннотация
Ҳажвий шеърлар ёзувчидан катта маҳорат талаб қилади. Атроф-муҳит ва жамиятнинг салбий томонларини бўяб, турли образлар ортига бекитиб ифодалаш учун ўзига хос синчковлик керак. Ҳайитгул Ибодуллаеванинг шеърларида ҳажв ва масал ортида аччиқ ҳақиқат ётади. Кулгу билан қаламга олинган ҳар бир сатр ўқувчига ўз маъносини ва сўзини етказишига ишонамиз.
Аннотация
Қадимий ва ҳамиша навқирон Тошкент ҳамма замонларда ҳам юртимиз ҳаётида, унинг ижтимоий-иқтисодий, маданий-маънавий тараққиётида алоҳида ўрин эгаллаб, ўз мақоми, мавқеини баланд тутиб, халқимизнинг кўп асрлик тарихий-тадрижий ривожланиши, илгарилаб бориши жараёнларига салмоқли ҳисса қўшиб келган. Халқда мозийга қараб иш юритиш хайрли дейилганидек, азим ва беназир Тошкентимизнинг ҳам алоҳида ғурур билан тилга олишга арзирли муносиб узун тарихи, ёрқин таассуротли воқеа, ҳодисаларга бой ўтмиши ҳақида унинг бу йилги 2200 ёшли қутлуғ таваллуд санаси муносабати билан алоҳида фикр юритиш жоиз деб билинди. Китоб Тошкентнинг 2200 йиллигига бағишланган бўлиб, кенг оммага мўлжалланган.
Аннотация
Ҳайдар Муҳаммадни яхши танийсиз, унинг шеърларини, ҳикояларини ўқигансиз, саҳна асарларини театр залларида ўтириб томоша қилгансиз, эфирдан янграган қўшиқларини тинглагансиз. Бу навбат, у китобхонларга Ўзбек Миллий академик драма театри етакчи артистларининг саҳна ортидаги ҳангомаларини тақдим этмоқда.
Аннотация
Ҳайдар Муҳаммадни ўқувчилар шоир ва драматург сифатида яхши танийдилар. У кўп қиррали ижодкор бўлиш билан биргаликда бир қатор ичакузди ҳажвиялар, ҳангомалар муаллифи ҳамдир. Қўлингиздаги мажмуа-адибнинг энг яхши ҳажвия ва ҳангомаларидан тартиб берилган. Бу йил ўзининг табаррук 60 ёшини нишонлаган адибнинг ўз ўқувчиларига янги туҳфаси яхши таассурот уйғотишига ишончимиз комил.
Аннотация
Таниқли шоир ва драматург Ҳайдар Муҳаммад тинмай изланиб, ўз мухлисларига жиддий шеър ва драмалар билан бир қаторда ҳажвий шеърлар, ҳикоялар, латифалар, интермедиялар ва комедиялар тақдим этмоқда. Унинг 1997 йилда нашр этилган «Хотинимнинг уруғидан ўргилай» ҳажвий китобчаси тезда қўлма-қўл бўлиб кетди. Маълумки, Ҳ. Муҳаммад комедиялари Ҳамза номидаги Академик драма театрида, «Хотинлар гапидан чиққан ҳангома» Муқимий театрида, «Куёвлар конкурси» (Р.Азизхўжаев билан) комедияси 1990 йилдан бери репертуардан тушмай келмоқда.Кўлингиздаги «Сойиб Хўжаев ҳангомалари» ҳам, ўйлаймизки, Сизга бир дунё завқ бағишлайди.