ТОП просматриваемых книг сайта:
Kitobxon
Все книги издательства Kitobxon
Аннотация
Bolajonlarimiz ertaklarni judayam sevib o'qiydilar va tinglaydilar. Bu esa bolalar qalbiga pokiza va ezgu tuyg'ularni olib kiradi. Mazkur mo'jazgina kitob bobolaru momolarimiz aytgan ertaklardan jamlangan ilk to'plamdir. To'plamdan ezgulik, go'zallik, to'g'riso'zlik, mehr-muhabbat, do'stlik haqidagi qator ertaklar o'rin olgan. O'ylaymizki, ushbu xayrli ishdan xabar topgan keksalarimiz o'zlari bilgan ajoyib ertaklarni bizlarga yozib yuboradilar va kelajak avlodni nodir hikoyatlaridan bahramand etadilar.
Аннотация
Muhtaram kitobxon! Qo'lingizdagi ushbu she'riy to'plam xorazmlik ijodkor Hudoybergan Shomurodovning birinchi kitobi. She'rlarni o'qib bahra olish o'zingizga havola.
Аннотация
Mazkur kitobchada pedagogikaning muhim bir jihati bo'lmish iqtidorli o'quvchilar bilan ishlash hamda bolalarda mustaqil fikrlash malakasini shakllantirish tajribalaridan hikoya qilinadi. Muallif ko'p yillik tajribalari asosida olib borgan turli xil ta'lim-tarbiyaviy ishlari haqida xolisanillo so'z yuritadi. Ushbu bitiklar pedagog-hamkasblarga, badiiy ijod hamda iqtidorli o'quvchilar tarbiyasi bilan qiziqqan kitobxonlarga manzur bo'ladi, deb umid qilamiz.
Аннотация
Китобда халқ табобати амалиётида қадимдан қўлланиб, синовдан ўтган даволаш усуллари ҳақида сўз юритилади. Шифобахш ўсим-ликлардан хонадон шароитида турли дориворларни тайёрлаш йўллари баён этилган. Табиатда бундай ўсимликларни йиғиш, улардан дориворлар тайёрлаш, сақлаш ва халқ табобатида турли касалликларни даволашда лозим маслаҳатлар берилган. Китоб халқ табобати билан қизиқувчилар ва шифокорлар учун мўлжалланган.Мазкур китобда тажрибадан ўтган, синалган даволарнинг 110 хил касалликка оид 700 дан ортиқ муолажа рецептлари берилган.
Аннотация
Ushbu o'quv qo'llanmada mushak to'qimasi va oqsillarning fizik-kimyoviy, biokimyoviy xossalarining tavsifi berilgan. To'qimalar tuzilishi va ularning morfologik elementlari, mushak to'qimalari fermentlarining ajralib chiqishi va fraksiyalanishining asosiy prinsiplari, lipidlar, uglevodlar, azotli va azotsiz ekstraktiv moddalar haqida ma'lumotlar, mushak faoliyatining asosiy jara- yonlari, shuningdek, so'yilgan hayvonlar qonining kimyoviy tarkibi va unda kechayotgan asosiy biokimyoviy jarayonlar, bog'lovchi to'qimalar biokimyosi, bog'lovchi, yog', suyak va tog'ay to'qimalarining kimyoviy tarkibi, fizik-kimyoviy xususiyatlari tavsifi, jigar, buyrak, o'pka biokimyosi to'g'risida ma'lumotlar, hayvon ichki a'zolandan biologik preparatlar olishning biokimyoviy asoslan, maxsus ishlatish uchun mo'ljallangan hayvon xomashyosi biokimyosi kabilar yoritib berilgan.
Аннотация
Ушбу илмий-оммабоп китоб дунёда энг мўъжизакор, ҳаётбахш, кўп моддаларнинг эритувчиси, табиат, тирик жонзотлар ва ўсимликлар ҳаётини таъминлайдиган оддий ва ҳаммага маълум бўлган модда – сув тўғрисидадир. Унинг ўзига хос, ажойиб хоссаларидан турмушда, саноатда, қишлоқ хўжалигида ва техникада кенг қўлланиб келинади.Азиз китобхонлар, агар мазкур асарни қунт билан, синчикпаб мутолаа қилсангиз, ҳаммага таниш бўлган сувни табиатнинг сирли муаммолари орасида ўзига хос ўринга эгалигини билиб оласиз. Китобда кўп қўйилган саволлар жавобсиз қолган, буни фикр мулоҳаза қилиб жавобини ечишга ҳаракат қиласиз деган умиддамиз.Китоб академик лицей коллежи ўқувчиларига ва фанга қизиқувчи кенг китобхонларга мўлжалланган.
Аннотация
Mansuralar she'riyatning o'ziga xos shakli bo'lib, unda fikr, his-tuyg'ularni erkin, sarbast, qoliplardan xoli, batafsil ifoda etish imkoniyati mavjud. Hosiyat Akramovaning ushbu to'plami ana shunday mansuralardan iborat bo'lib, muallif yurtga bo'lgan sadoqat, mehr-muhabbat tuyg'ulari tabiat tasvirlarini ham, qalb kechinmalarini ham, ijtimoiy o'y-fikrlarini ham ana shu jajji lirik asarlarga jo eta olgan.
Аннотация
Муҳтарам китобхонлар, бебаҳо хазина – соғлиғини ўйлаган юртдошлар!Пахта нималигини тасвирлаб, уни тушунтириб ўтиришга ҳожат йўқ. Бекорга уни «оқ олтин» дейишмайди. Марказий Осиёнинг суғориладиган асосий майдонларига ана шу иссиқталаб, сермеҳнат ўсимлик чигитини беҳудага экишмайди. Пахта ҳам енгил саноат, ҳам озиқ-овқат саноатининг бебаҳо хом ашёси эканини мактаб ўқувчиси ҳам яхши билади. Лекин ана шу мўъжизали экиннинг фақат толаси ва ёғи эмас, ғўзасининг кўм-кўк барги, гули, оқ толаси-ю ғўзапоясининг кули, илдизи, шохлари-ю чигитидан олинган кунжара ва шелухаси ҳам инсон саломатлигига дармон эканини ҳамма ҳам билавермайди. Эрта баҳорда йўллар, ариқ бўйларида яшнаб очиладиган момақаймоқ, боғ ва ҳовлиларимизга файз киритиб, қалбларимизга завқ-шавқ бағишлаб, кўзларимизни қувонтирадиган оқгул, қизилгул, сафсаргул ва райҳон-у жамбил, гулхайри ва тугмачагулнинг фазилатлари-чи? Кўплаб ривоят ва ҳикоятларга асос бўлган нилуфар, меҳригиёҳ, олтин томир ва бинафшанинг табобатдаги мўъжизаларини айтмайсизми? Ва яна қанча сиз билган ва билмаган кўкатлар, ўт-ўланлар. Уларнинг сир-синоати ва инсон саломатлигига малҳамлигини билиш ниятида ҳукмингизга ҳавола қилинаётган «Шифо хазинаси»нинг иккинчи китоби – «Гул ва гиёҳлар саховати»ни ўқиб чиқсангиз, Ибн Сино айтганидек, она табиат инсон саломатлиги учун яшил дорихона эканига яна бир бор ишонч ҳосил қиласиз.
Аннотация
Она сайёрада биз ёлғиз эмасмиз. Атрофимизни ҳайвонот ва ўсимлик олами қуршаб туради. Улар биз билан чамбарчас боғлиқ. Бу алоқа турли шаклларда намоён бўлади.Моҳир тиб олими Ҳомиджон Зоҳидов ушбу алоқанинг тибга оид жиҳатларини изчил ўрганиб, уч китобдан иборат ажойиб асар яратган.Мазкур биринчи китобда жониворлар шарофати билан инсон қай дарду хасталикларни бартараф этиши, қай бирининг олдини олиши мумкин эканлиги батафсил баён этилади.