ТОП просматриваемых книг сайта:
Kitobxon
Все книги издательства Kitobxon
Аннотация
Рисолада Ўзбекистоннинг Жаҳон савдо ташкилотига аъзо бўлиб кириши ва ташкилий-ҳуқуқий асосларнинг муҳим таркибий қисми, даврнинг дастлабки босқичидаги ўзгаришлар, натижалар, музокаралар ўтказиш, ташқи савдо, валютани тартибга солиш, стандартлаштириш, субсидиялаш ва бошқа соҳаларда бир қатор қонунлар ва амалдаги қонунларга тузатишлар киритиш ва шу каби масалалар ҳақида сўз юритилади. Рисола шу йўналишда таълим олаётган талабаларга, соҳа билан қизиқувчи китобхонлар оммасига мўлжалланган.
Аннотация
"O'zining betakror ovozi va iste'dodiga ega Zokirjon Holmuhammad o'g'li Furqat nafaqat o'z ijodi, balki xalqning ma'rifatli farzandi, shoir, tarjimon, publisist sifatida ham o'zbek mumtoz adabiyotida mustahkam o'rin egallagan yirik iste'dod egasidir. Shorining ayrim g'azallari mashhur hofizlarimiz tomonidan kuyga solinib ijro etilgan va xalqning dilidan mustahkam joy olgan. E'tiboringizga havola etilayotgan mazkur she'rlari shoir ijod olamining eng sara gulg'unchasi desak mubolag'a bo'lmaydi. Aziz kitobxon! Umid qilamizki, Furqat g'azallari mutolaasi sizning shoir ijodiga bo'lgan muhabbatingizni yana bir karra oshiradi."
Аннотация
Ушбу асарнинг «Қора қузғун» деб номланиши бежиз эмас. Удаги меҳрибон, садоқатли умр йўлдоши бўлишга аҳд қилиб, сўнгра бевафолик кўчасига кирган аёл қисмати; орият, рашк хислатларидан мосуво эркак феъл-атвори ҳайратга солади. Шунингдек, Жобирбекнинг яхши-ёмон кунларида ҳамроҳ, маслаҳатчи, суянчиқ бўлган, аслида эса тубан кимса Шосалимнинг тақдири ўзгача талқинда баён этилиши баробарида унинг атрофида танда қўйган хиёнаткор, жиноятчи кимсаларнинг кирдикорлари ҳам маҳорат билан очиб берилган. Бундай ҳалокатли қисматга сабаб нима? Ота-она тарбияси ёхуд атроф-муҳитми, балки инсонни адаштирувчи нафс кишанларидир? Жобирбекнинг сирли тарзда ғойиб бўлиши ва бу жиноий ишнинг очилиш жараёни ўқувчини асар дунёсига жалб этади… Ҳаётий ҳақиқат асосида қурилган роман сиз, азиз ўқувчиларга манзур бўлишига аминмиз.
Аннотация
Аёлнинг бахти фарзанд билан тўкис бўлади. Соғлом бола нафақат оиланинг, балки жамиятнинг ҳам асоси ҳисобланади. 2014 йилнинг Давлатимиз раҳбари томонидан «Соғлом бола йили» деб номланиши бежиз эмас. Бола тарбияси ва парваришига давлат сиёсати даражасида эътибор қаратилиши ёш авлоднинг жисмонан ва маънан баркамоллиги нечоғлик муҳим эканлигидан дарак беради. Бу борада асосий масъулият оналар зиммасига тушар экан, аввало болани соғлом дунёга келтириш масаласига алоҳида эътибор қаратиш лозим. Мазкур китобчада айнан шу борада сўз юритилади. Қимматли маслаҳатлар ва тавсиялардан иборат ушбу рисола асосан оналик остонасидаги аёллар учун мўлжалланган…
Аннотация
Qadrli singiljonim! Siz kelajakda malika bo'lish orzusidamisiz? Bu – tabiiy. Har bir qiz bola nafaqat o'zi uchun, balki kelajakda bo'lajak turmush o'rtog'i – shoh, farzandlari shahzoda bo'lishi uchun ham malikalik darajasiga erishishi shart. O'zingizga ma'lum, bunday sharaf faqat malikalarning yori va bolalariga nasib etadi. Shunday ekan, bugundanoq kichik xonimlik mavqeyini zabt etishni boshlang. Negaki kichik xonimlargina katta bo'lib malikalarga aylanishadi. Bu yo'ldagi birinchi qadamlaringizda adashmasligingizga esa qo'lingizdagi kitobcha yordam beradi.
Аннотация
Ўзбек ҳалқи меҳмондўстлиги билан бошқа халқлардан нафақат ажралиб туради, балки уларнинг таҳсинига сазовор бўлиб келади. Миллатимиз меҳмонга алоҳида тавозеъ ва муносабатда бўлишга ўрганган. Эшик қоққан кишига кўрсатилаётган муомаланинг рисоладагидек бўлиши ўзимизнинг ҳам, меҳмоннинг ҳам ҳурматини намоён этади. Ушбу китобда айнан шу ҳурмат ҳақида сўз юритилади.Китоб меҳмондўст ўқувчиларга мўлжалланган.
Аннотация
Ushbu risolada odamning jismigina emas, balki xarakteri, Olam va Odamga qarashlari rasmana shakllanib, muayyan muqimlikka erishib boradigan eng mas'uliyadi davr — o'smirlik davri, uning o'ziga xos muammolari, balog'at yoshidagilarda ro'y beradigan ruhiy, biologik va fiziologik o'zgarishlar, do'stlik, sevgi va muhabbat, huquq va burch, odob va axloq, iroda va maqsadlilik kabi chin insoniy faziladaming shakllanishi haqida so'z yuritiladi.
Аннотация
Жаҳон ҳарбий санъати тарихида туркий халқларнинг ҳам салмоқли улуши бор. Бу ҳақда қадимги ва ўрта аср муаррихлари якдилдирлар.Ушбу китобда муаллиф туркий халқларнинг ҳарбий санъат соҳасига қўшган ҳиссалари ҳақида ҳикоя қилади. Кўплаб тарихий манбалар, илмий адабиётлар асосида тўпланган бой манбаларга таянган ҳолда муаллиф Туронзамин халқларининг милоддан аввалги 1-минг йилликдан милодий XV асргача, яъни, Амир Темур давригача бўлган вақт оралиғида ҳарбий санъат соҳасида эришган ютуқлари, олиб борган жанглари тафсилоти, қурол-яроғлари, қўшин тузилиши, сиёсий-ҳарбий тизими ҳақида ноёб илмий маълумотларни китобхонга тақдим этади.Китоб Ватанимиз ҳарбий тарихи бўйича илмий изланишлар олиб бораётган тадқиқотчилар, ҳарбий ўқув юртлари талабалари ва умуман юртимиз тарихига қизиқувчи кенг китобхонлар оммасига мўлжалланган.
Аннотация
Ushbu kitob sizni sir-sinoatga to'la moziy sari ajoyib sayohatga yetaklaydi, insoniyat tarixida bo'lib o'tgan qiziqarli va olamshumul voqealardan hikoya qiladi.Shuningdek, buyuk tarixiy shaxslar, kashfiyotlar, mo'jizaviy inshootlar, turli xalqlar tomonidan yaratilgan tamaddunlar haqida ma'lumot beradi.