Bruistablette vir die lewe - Susan Coetzer

Скачать книгу

bekend vir sy zero aanstellerigheid, hoogmoed en ego.

      Watter voorbeeld stel jy in die posisie wat jy tans beklee? Speel jy baas van die plaas oor dié mense in laer posisies as jy? Glo jy jy is die hero en die ander is zero?

      Die Koning van alle tye het verkies om op ’n nederige donkie te ry. Hy het afgebuig tot zero en sy dissipels se vuil, stink voete gewas. Hy vra dat ek en jy – veral dié in hoë hero-magsposisies – dieselfde sal doen. Ware heroes vra nie om bedien te word nie, maar dien ander mense.

      Bruisgebed vir heroes: Here Jesus, help my besef dat eers wanneer ek afbuig na zero ek ’n ware hero in u oë word. Help my om u voorbeeld van égte nederigheid uit te leef. Tot eer van u Naam.

      Vitamien G

      Geld

      “Niemand kan tegelyk twee base dien nie … Om God én die geldgod saam te dien, is onmoontlik.”

      – Matteus 6:24

      Geld speel ’n belangrike rol in elke mens se lewe. Almal het geld nodig om te oorleef, om rekeninge te betaal, anders moet ons in ander se oë kyk vir ons daaglikse brood en versorging.

      Almal het dit nie ewe breed in die lewe nie. Meer as 50% van ons land se mense leef onder die broodlyn en gaan slaap saans honger. Aan die ander kant is daar die heel rykes van die samelewing wat na hartelus kan reis, uiteet en shop till they drop.

      Waar pas jy in? Belangriker nog, wat is jou verhouding met geld? Is jou passie vir geld groter as jou passie vir God? Is jy bereid om ’n bietjie “oneerlik” te wees, om noodleuens te vertel, om jou bankrekening te bevoordeel? Geld op sigself is nie ’n probleem nie, maar wel mense se onversadigbare liefde vir geld.

      Ons kan nié God en geld saam dien nie. Die een sal altyd meer eer ontvang. Maak seker wat jou motief is, veral wanneer jy “goddelike” projekte aanpak. Wat is die grootste passie in jou hart? Om God meer te maak? Of om meer geld uit God te maak?

      ’n Chroniese gejaag na al meer geld is nie ’n bruistablet vir jou siel nie, maar ’n gevaarlike en gewoontevormende dwelm wat God uit die prentjie wegskuif. Wees daarom waaksaam en kry jou geld en jou Godprioriteite reg.

      Bruisgebed vir finansiële gesondheid: Here Jesus, ek bid vir suiwer motiewe – ook wat my geldsake betref. Laat my doel altyd eerstens wees om U meer te maak, en nie om geld uit U as God te maak nie. Tot eer van u Naam.

      Vitamien W

      Welkom

      “Elkeen wat julle verwelkom, verwelkom My.”

      – Matteus 10:40

      Hoe lyk jou gesigsuitdrukking en body language wanneer iemand voor jou staan? Hoe kyk jy na mense? Na jou vriende? Na jou familie? Na gelowiges? Na die uitgeworpenes? Na die sondaars?

      Wat sê jou oë en jou woorde wanneer jy met vreemde mense in aanraking kom? Wat gaan in jou hart en gedagtes aan? Sou jy sê jy is toeganklik en sonder oordeel? Sou jy sê jy is oop en innemend sodat mense maklik met jou sal praat oor hulle uitdagings en hulle struikelblokke? Sou jy sê die gemiddelde mens voel welkom in jou teenwoordigheid? Of het jy net ’n uitgesoekte cream-of-the-crop groepie rondom jou?

      Moeder Teresa was ’n weldoener en ’n geloofspilaar vir ’n menigte mense wie se pad sy gekruis het. Sy het almal dieselfde behandel – arm en ryk, swart en wit. ’n Ieder en elk is deur dieselfde onveroordelende “welkom”-lens gegroet. Moeder Teresa het geglo aan die belangrikheid van ’n welkom-glimlag. Daarom het sy jong kinders eers leer smile voordat sy hulle leer bid en hulle uit die Woord geleer het.

      Jesus is die grootste voorbeeld van iemand wat almal altyd welkom laat voel het in sy teenwoordigheid. Hy het teenoor almal dieselfde warmte en liefde uitgestraal. Niemand is ooit te lig bevind in sy oë nie – nie eens dié wat deur die kerk en die samelewing verstoot is nie. Ook nie vroue en kinders nie. Jesus was toeganklik en bereikbaar. Vir almal.

      Leef jy as Christen Jesus se welkom-voorbeeld in ons gespanne multikulturele land uit? Of maak jy ’n punt daarvan om sekere mense uit te sluit en onwelkom in jou teenwoordigheid te laat voel?

      Bruisgebed vir gasvryheid: Here Jesus, help my om almal met dieselfde innemende smile te groet, ’n smile wat van u warmte en omgeeliefde getuig. Tot eer van u Naam.

      Vitamien T

      Tee

      Gee julleself aan God as lewende en heilige offers wat vir Hom aanneemlik is.

      – Romeine 12:1

      Die meeste vroue hou van teedrink en gesels. Ek ook, veral met my paar close vriendinne wat ek vertrou. In hierdie veilige sirkel gesels ons ons harte uit.

      Ek waag dit ook elke nou en dan om saam met ’n vreemdeling te gaan tee drink. Want dalk het ons Vader daardie vreemdeling spesifiek oor my pad gestuur sodat ek bemoedigende woorde en ’n koppie tee met hom of haar kan deel.

      In my tuin is ’n muurbord opgesit met die woorde: Where there is tea, there is hope. Ek glo dis goed om tyd opsy te sit om tee saam met iemand te drink en ’n bietjie samesyn te geniet. Ook met vreemdelinge. Daar is soveel geïsoleerde mense wat ’n behoefte aan tee saam met ’n opregte en betroubare mens het.

      Ek het my egter ook al lelik vasgeloop by teedrinksessies waar die grootste behoefte eerder was om my vir skindernuus te melk. In so ’n situasie vind ek dit wys om pluisies in my ore te druk en my mond vol koek te stop. Volgende keer is dit dalk my beurt om beskinder te word.

      ’n Goeie leuse vir teedrinksessies is: As jy niks goeds het om te sê nie, bly liewer stil. En as jy iets goed en aanneemlik kan sê, sê dit sommer oor ’n luidspreker.

      Wat is jou ingesteldheid? Waaroor praat jy die graagste oor ’n koppie tee? Is jou teepraatjies vol skerp glassplinters en dodelike gif, of is dit opbouende bruistablette vir dié wat na jou luister en vir die Here?

      Bruisgebed vir teedrinkers: Vader, maak my sensitief sodat ek net oor opbouende dinge sal gesels wat vir U aanneemlik is wanneer ek saam met mense tee drink. Help my sodat ek my nie sal verlustig in skindernuus oor ander mense en dit sal versprei nie. Tot eer van u Naam.

      Vitamien A

      Aanraking

      Toe het Hy haar aangeraak en sy kon dadelik regop staan.

      – Lukas 13:13

      Ek kom uit ’n ouerhuis waar daar nie baie liggaamlike aanraking tussen ons was nie. As volwassene was ek daarom jare lank ongemaklik met enige liggaamlike aanraking – selfs tussen my en vriendinne. Ek het ander mense wat met soveel gemak en liefde aan mekaar kon raak vreeslik beny. Dit het so lekker gelyk om aanraking te ontvang – en uit te deel.

      Toe ek tydens die skryf van my debuutroman Oros vir die siel as spreker begin optree het, was ek aanvanklik soos ’n sementvrou. Ek het op ’n veilige afstand, ’n armlengte van almal af, met gehore gepraat. Soms het ek trane op die gesigte voor my gesien en dan wou ek iets doen om hulle te troos. Maar ek was te selfbewus om nader te gaan en my hand na ’n vreemde mens toe uit te steek.

      Die Here ken egter die diepste begeertes van die hart. Hy het my hart se longing raakgesien – om nie net met my woorde nie, maar ook met regtige touch uit te reik na die gebrokenes en die eensames.

      Hy het my bewus gemaak van sy liefde en krag in my hande. Hy het my bevry van my inhibisies en my bemagtig om aanraking as ’n tool te gebruik om mense te bemoedig.

      Jesus het gereeld aan mense geraak. Sy heilige aanraking het mense gesond gemaak, mense opgerig, mense welkom en geliefd laat voel. Jou liefdevolle aanraking kan ’n genesende bruistablet vir die gebrokenes van hart wees. Leer om meer dikwels jou hand uit te steek met Jesus se sagte aanraking.

      Bruisgebed vir sementvroue: Vader, kom asseblief my beperkings en inhibisies tegemoet en help my om met u omgeeliefde aan ander mense te raak. Tot eer van u Naam.

      Vitamien H

Скачать книгу