LITMIR.BIZ

Скачать книгу

ахтарым-саныырым күүһэ бэрт буолан, олох кууһа сытар курдукпун. Эйигин ахтарым бэрт буолан, уум олох көтөн хаалла. Доҕоччугуом, хаһан кэлэ охсон уоскутаҕын? Бэҕэһээ киэһэ телефонунан ахтыбытым ааһыар диэри кэпсэтэн наһаа дуоһуйбутум, олох субу баар курдуккун.

      Чэ, бары үчүгэйи кытта оҕонньоруҥ Дмитрий.

      Ахта-саныы, өйдүү-таптыы хаалабын. Ууруубун-сыллыыбын.

      Муус устар 18 күнэ. Сарсыарда 6 ч. 47 мүн.

* * *

      Ахтар-саныыр, өйдүүр, таптыыр, долгуйа күүтэр кэргэним Инна, дорообо!

      Бу олус күүскэ ахтан, кэлэргэр тиийбэккэ сурук суруйан эрэбин. Хаһан да кыыһырсар буолумуох, туохпутун былдьаһыахпытый. Мин эйигин наһаа күүскэ, ис сүрэхпиттэн таптыыбын, ону бэйэҥ да сэрэйэр буолуохтааххын. Оҕом сыыһа, олох кыайан тэйсиэ суохпут, биир-икки күҥҥэ араҕыстыбыт да, ахтыһан барабыт. Оо, таптал, олус да күүстээх эбиккин, урут маннык олох буолбат этэ. Телефонунан куруук саанаҕын, «тиийдэхпинэ аахсыахпыт» диэн. Туох буруйбар? Олох өйдөөбөппүн, оонньуур быһыылаах дии саныыбын. Бэҕэһээ «Семейные узы» көрө-көрө: «Оо, дьахталлар үөннэр эбит», – дии саныыбын, ол мин оҕобор, конечно, сыһыана суох диэн эрэнэбин. Ол иһин олус күүскэ таптаан эрдэҕим буолла. Тапталбытын харыстыах, дьон ону-маны үлүннэрэн кэпсиирин итэҕэйимиэх, бэйэбит эрэ албыннаһымыах.

Тапталга буруй суох

      Таптыырга буруй суох, доҕоруом,

      Олуһун күүскэ да таптыыбын,

      Кэрэчээн уостаргын уураары,

      Күн аайы кэтэһэн эрдэҕим.

      Аҕыйах хонукка арахсан,

      Ахтыста сүрэхпит олуһун.

      Омуннаах тапталга ылларан,

      Олохпут уһуоҕа биһиэнэ.

      Доҕоруом, эн бааргын мин сүрэхпэр,

      Атыны букатын билбэппин,

      Эрэнсиэх бэйэбит иннигэр,

      Хаһан да сүтэрсибэт туһугар.

      Сэтинньи 22 күнэ,

      Димаҥ.

* * *

      Сэгэрим, Иннам, привет!

      Бу олох эрдэ уһуктан баран турдум. 5 ч. 40 мүн. уһуктубутум. Олох иэдэйииһикпин быһыылаах. Биир күнү нэһиилэ аһардым. Ахтарым бэрт, бу сир үрдүгэр таптыыр киһигинээн куустуһан сытар саҕа үчүгэй суох эбит. Чэ, хайдах эмэ тулуйар инибин. Кытаат, доруобай эрэ буол. Бары үчүгэйи кытта Димаҥ.

      Күүскэ да күүскэ ууруубун. Арба, сыттыккар сытыҥ хаалбыт, ону сыллыы хоннум.

      29/XI. 6 ч. 44 мүн.

* * *

      Күндүттэн күндү киһим, Иннам, привет!

      Эйигин санаан уум олох көтөн хаалла. Мантан түүн хаһыат ааҕар буоллум. Уопсайынан суох бириэмэҕэр кыайан утуйбакка сору көрдүм. Баар эрэ буоллаххына, утуйар эбиппин. Тоҕотун олох билбэппин. Оҕом сыыһа, суоҕуҥ наһаа куһаҕан, олох ылларан кэбиспиппин, күнү быһа эйигин санаан тахсабын, барахсаным тугу гына сылдьара буолла диэн. Халаатыҥ абырыыр, кэлэ-бара сыллыы сылдьабын. Ии, оҕом барахсан, төһө да мөхтөргүн олус күүскэ таптыыбын. Чэ, көрсөрбүт олох аҕыйах чаас хаалла, утуйа охсубут киһи.

      Наһаа күүскэ таптыыбын. Ууруубун-сыллыыбын.

      14/IV. Түүн 1 ч. 40 мүн.

      Дорообо, таптыыр кэргэним Инна!

      Сэгэрим, олох ахтан иэдэйдим, аҥаарым эрэ хаалла быһыылаах.

Көрсүһүү

      Күүтэбин, доҕоруом, олуһун

      Ол кэми, көрсүһүүнү,

      Аҕынным даҕаны эйигин,

      Күндү көмүс биэбэйим.

      Үөрүүнэн толорор

Скачать книгу