LITMIR.BIZ

      Арылхай эйэҕэс хараххын

      Ахтабын, доҕоруом, куруутун.

      Эйигин көрдөрбүн, доҕоруом,

      Умнабын барытын сир үрдүгэр.

      Кэрэчээн куоласкын истээри,

      Кыракый оҕолуу үөрэбин,

      Эйигин көрсөммүн, доҕоруом,

      Дьоллоохпун дэнэбин өрүүтүн.

      Дмитрий.

      Тохсунньу 1 күнэ.

      Доҕорбор, эйиэхэ, анааммын,

      Дорҕоонноох тыллары этэбин.

      Эн кэрэ мөссүөҥҥүн хоһуйан,

      Эйиэхэ тапталы билинэбин.

      Сүрэхтэн бу тыллар тахсаллар

      Долгуйар Дьокуускай куоракка,

      Эйигин санааммын, доҕоруом,

      Олус диэн долгуйдум мин бүгүн.

      Бааргар эйигин аахайбат курдукпун,

      Барбытыҥ кэнниттэн ахтабын эйигин.

      Эйигин аймыахпын баҕарбат эрээри,

      Дууһалыын, сүрэхтиин эйиэхэ эбиппин.

      Баҕардар, эйигин умнуом дуу дэнэбин,

      Онтукам букатын табыллыа суох курдук,

      Тапталы билбэтэх эрдэһин буоламмын,

      Эйиэхэ таптатан олус диэн долгуйдум.

      Доҕоруом, эйиэхэ сүрэхпин, дууһабын аныыбын,

      Эн биһи хайаан да бииргэ буолуохпут.

      Дьоллоох олоҕу олоруохпут

      Үйэлэр тухары, тапталыам.

      Муус устар 16 күнэ. Дмитрийиҥ.

      Таптал – бу саамай кэрэ иэйии,

      Тапталынан ким да оонньуо суохтаах,

      Таптал баар бу сир үрдүгэр

      Икки атаҕы киһи гыммыт.

      Таптал туһугар тахсаллар ырыалар, хоһооннор,

      Таптал туһугар киһи аймах айманар,

      Таптал, эн олус да күүстээххин,

      Таптал, эн олус да нарыҥҥын.

      Тапталы киһи кыайан кэпсээбэт,

      Таптаһар дьон иккиэн эрэ билэр сыһыаннара,

      Оо, таптал, эн олус да суоскун,

      Оо, таптал, эн олус да уйаҥҥын…