ТОП просматриваемых книг сайта:
Kitobxon
Все книги издательства Kitobxon
Аннотация
"Таажжуб, неча кундирки, тушларимга тўлин ойдек чеҳрасида гоҳ шодлик балқиб, гоҳ изтироблар кўланкаси қалқиб Кумушбиби киради.Ўнгу сўлида беадад кокиллари ювошгина чарх урадилар, қўлларида очиқ қолган девон саҳифаларига кўз ёшлари беихтиёр томиб кетади:— Бегим, — дейди у заррача таънасиз.— Бегим, — дейди у сўнгти дақиқаларда ҳам беҳол. . ." Ушбу сатрлар истеъдодли шоира, Ўзбекистонда хизмат кўрсатган маданият ходими, ўткир публицист, таржимон Шарифа Салимованинг «Аёл бўлиш осонми?» номли мақоласидан олинган. Сизнинг қўлингиздаги «Тонгта қасам» деб номланган бадиий публицистик китобида ҳам аёл қисматининг турли қирралари қаламга олинади.Муаллиф ушбу китобини бежиз «Тонгга қасам» деб номламади. Тонг бу — ёруғлик, тонг бу — юракларга XX асрнинг сўнгида Аллоҳ томонидан ҳурлик кўринишида бизга юборилган мўьжиза — илоҳий қисмат. Ҳар бир инсон, ҳар бир миллат ўзининг мунаввар тонгини кутиб яшайди. Ўзбек халқи, ўзбекнинг муқаддас аёли ушбу тонга узоқ асрлар ташна бўлди. Энди, у қўлга киритган эркини боласидек, биродаридек, ёр-дўстидек, онасидек, падарибузрукворидек бағрига маҳкам босиб, асраб яшамоқда."Тонгга қасам" номли тўплам уч бўлимдан иборат. Бўлимларда шоиранинг асрий армонларидан тортиб, то бугунги мунаввар кунлар умидларигача босиб ўтган йўли қаламга олинган ва бу ҳолатлар Ҳазрати аёл қисмати орқали кўрсатиб берилган.
Аннотация
Эътиборингизга такдим этилаётган «Ватан суврати» тўплами таниқли шоира Шарифа Салимованинг узоқ йиллар мобайнида шеърият деб аталмиш сирли уммондан эл-юрт муҳаббати йўлида ўзига хос куюнчаклик, самимият билан ажратиб олган суз гавҳарларидир.Китобнинг биринчи бўлимидан Она Ватан тўғрисидаги шеърлар ўрин олган. «Ватан суврати» қасидаси, «Она тили – миллат руҳи» бағишлови, «Бизга сўз айтсангиз, Ватандин айтинг» номли туркумлар, шеърлар — шоиранинг муқаддас Она Ватан сувратига ўзига хос чизгиларидир.Муаллифнинг бетакрор лисоний жозиба ва қалб ҳарорати билан зийнатланган манзумалари Сизнинг қалбингизга ҳам ўзгача шукуҳ ва кайфият бағишлайди.
Аннотация
Tabiat tomonidan nozik xilqat deya e'tirof etilgan ayol doimo e'tibor va parvarishga, e'zozga loyiq. Har qanday yoshda, har qanday sharoitda va har qanday muhitda ayolni ardoqlashimiz lozim. Shunday davr borki, bu paytda ayol yanada e'tiborga muhtoj bo'ladi. Bu 40 yoshdan keyingi davr. Bu vaqtda kuzatiladigan tibbiy va psixologik o'zgarishlarni namoyon etadigan klimaks davri haqida ushbu kitobchada atroflicha ma'lumotlar berildi. Darvoqe, kitobda bu davrning erkaklarda kuzatilishi haqida ham yangi ma'lumotlar olishingiz mumkin. Shuningdek, kitobdan o'rin olgan ich qotishi, ich ketishi mavzulari ham kitobxonlarimizni befarq qoldirmaydi.
Аннотация
Инсон эзгулик ва яхшиликларга амал қилган ҳолда ўз руҳи ва вужуди устидан ҳукумронлик қилиб яшаса,узоқ умр кўриб, ўзидан кейин авлодлар хотирасида ҳам абадий ном қолдиради. Бугунги фан-техника юксак даражада ривожланган даврда нима муҳим, нима кераксиз эканлигини ажрим қилиб яшаш ҳам анчайин душвордир. Шу сабабли, тиббиёт соҳасида узоқ йиллар самарали фаолият олиб бориб, кўпчиликнинг дардига малҳам топа олган шифокорнинг ўз тажрибалари асосида тиббий, шунингдек, маънавий-маърифий, ҳаётий хулосаларини оддий ва содда тилда мазкур рисола орқали оммага етказишга бел боғлагани таҳсинга лойиқдир. Ўйлаймизки, бу китоб жавонлардагина эмас, сизнинг дилингиздан ҳам ўрин олади…
Аннотация
Ушбу рисола интернетдаги «Телеграмм» каналига 2020-2021 йиллар давомида узатилган «ОИЛА ва ОИЛАВИЙ ҲАЁТ» тўғрисидаги лавҳаларга берилган қисқача изоҳлардан иборат. Хоразм вилояти «Меҳригиё» аёллар маркази томонидан тайёрланиб, каналга узатилган бу лавҳаларга турли хил ва аксарият ҳолларда бир-бирига қарама-қарши фикр-мулоҳазалар билдирилганлиги ушбу рисоланинг ёзилишига туртки бўлди.Рисола каналимизни мунтазам кузатиб бораётган аъзоларимиз учун мўлжалланган.
Аннотация
Ушбу рисола интернетдаги «Телеграмм» каналига 2020-2021 йиллар давомида узатилган «ОИЛА ва ОИЛАВИЙ ҲАЁТ» тўғрисидаги лавҳаларга берилган қисқача изоҳлардан иборат.Хоразм вилояти «Меҳригиё» аёллар маркази томонидан тайёрланиб, каналга узатилган бу лавҳаларга турли хил ва аксарият ҳолларда бир- бирига қарама-қарши фикр-мулоҳазалар билдирилганлиги ушбу рисоланинг ёзилишига туртки бўлди.
Аннотация
"Shavkat Razzoqovning mazkur kitobi hayotdagi muhim mavzulardan biri – oila, oila ustuni bo'lmish erkak va ayol munosabatlari, oila qurish kabi muhim mavzularga bag'ishlangan. Kitob hazil-mutoyiba tarzida yozilgan bo'lib, turli zeriktiradigan «pand-nasihatlar»dan yiroq bo'lgani sababli kitobxonlarimiz e'tiborini qozonishiga umid qilamiz."
Аннотация
Раҳбар бўлиб етишиш осонми? Унинг нозик томонлари нимада? Ушбу рисолада бу борада кенг фикр юритилади. Тарихий, умумжаҳон тажриба ва андозалар умумлаштирилиб, ҳозирги истиқлол даврининг раҳбари қандай сифатларга эга бўлиши керак, қандай иш услуби уни муваффақиятларга элтади, вақтдан фойдаланиш, одамлар билан муомалада нималарга эътибор қаратиш каби саволларга жавоб изланади.
