ТОП просматриваемых книг сайта:
Hadaf Neshrleri
Все книги издательства Hadaf Neshrleri
Аннотация
Kitab Nağı bəy Şeyxzamanlının xatirələri əsasında tərtib olunub. Haqqında bəhs edilən hadisələr Azərbaycanın istiqlaliyyət illərində cərəyan edir və həmin dövrə aid bir çox önəmli məlumatlarla zəngindir. Kitabı nəşrə hazırlamaqda məqsədimiz Nağı bəy Şeyxzamanlının inamını doğrultmaq, xalqımızın istiqlalı uğrunda fədakarcasına çalışmış insanların keçdiyi yolu fəxrlə xatırlamaq, iftixar hissi ilə dolu tariximizi gələcək nəsillərə çatdırmaqdır.
Аннотация
“Xatirələrim” adlı bu kitabda görkəmli teatr xadimi, Azərbaycanın ilk xalq artisti Hacağa Abasov böyük ömrünün ən qaynar çağlarını xatırlamışdır. 1906-34-cü illərdən bəhs edən bu xatirələr Azərbaycan incəsənətinin həmin dövrü ilə yaxından tanış olmaq istəyən hər bir oxucu üçün qiymətli məlumat mənbəyidir.
Аннотация
Əsrin əvvəllərində “rus ordusu artilleriyasının Allahı” general Əliağa Şıxlinskinin adı bütün dünyada şöhrət qazandı. “Şıxlinski üçbucağı”, “Şıxlinski formulu” – hərbi mütəxəssislər tərəfindən yüksək qiymətləndirildi, xarici ordularda belə ona geniş maraq oyandı. Azərbaycan xalqının fəxri, general-leytenant Əliağa Şıxlinskinin bizə yadigar qalan “Xatirələrim” kitabında onun kadet tələbəliyindən ordu komandanı kimi şərəfli bir vəzifəyə yüksəldiyi yol maraqlı təsvir edilib. Kitab gənclərimizin hərbi vətənpərvərlik tərbiyəsində mühüm rol oynayacaq.
Аннотация
Kitabda yazıçı-tərcüməçi Hüseyn Şərifin Hüseyn Cavid, Mikayıl Müşfiq, Üzeyir Hacıbəyov, Yusif Vəzir Çəmənzəminli, Səməd Vurğun, Nazim Hikmət, Süleyman Rəhimov, Mehdi Hüseyn haqqında xatirələri toplanıb.
Аннотация
Tarixi romanlar müəllifi, Cənubi Azərbaycan yazıçısı Pənahi Makulunun bu əsəri XX əsrin əvvəllərində Azərbaycan xalqının mübariz oğlu, böyük tarixi şəxsiyyət Şeyx Məhəmməd Xiyabaninin həyatına həsr olunmuşdur. Əsərdə həmin dövrdə baş verən milli azadlıq hərəkatı, xalqın mütləqiyyətə qarşı mübarizəsi çoxlu zəngin faktlarla təsvir olunur. Roman oxucunun diqqətini xalqın vəhdətinə yönəldərək, vahid Azərbaycan ideyasını təbliğ edir.
Аннотация
Kitabda Azərbaycan ədəbiyyatının görkəmli nümayəndələrindən biri olan İsa Muğannanın iki maraqlı əsəri – “Saz” və “Tütək səsi” təqdim edilib. Hər iki əsər Böyük Vətən Müharibəsi illərində arxa cəbhədə yaşanan həyatın ağırlığını, baş verən konfliktlərin dinamik inkişafını maraqlı şəkildə əks etdirir. İsfəndiyar kişi, Qılınc Qurban, Çekist Məhərrəm, Milli, Cəbrayıl kimi xarakterlər, yaradılan təzadlı situasiyalar Azərbaycan kəndinin və insanının bütün koloritini canlı şəkildə ötürə bilir. Əsər elə real təsvirlərlə zəngindir ki, oxucu özünü o dövrün və o insanların içində hiss edəcək. Motivləri əsasında məşhur “Tütək səsi” filmi çəkilmiş əsərlərdə nəql olunan əhvalatlar çox asanlıqla yaddaşa köçür.
Аннотация
“İdeal” milliözünüdərk məfkurəsini tamamlayan əsərdir. Vərəq-vərəq oxuduqca özünə bir az da yaxınlaşırsan. Çox suallar meydana çıxır. Əsər sualların cavabını demir, oxucuya cavabı tapmağın yollarını açır. Sanki İsa Muğanna əsərdə bunları deyir: “Türkün tarixi üzərində dünya tarix yaratdı. Ey türk, sən tarixini bilmədikcə, sənin tarixinin üzərində hələ çox tarixlər yazılacaq.
Аннотация
Yazıçı öz əsərini “fantastikasız fantastika” kimi xarakterizə edir. O, bu əsərində varlığı elm adamları tərəfindən hələ də sübuta yetirilməyən, sadəcə mif olaraq bilinən “Cəhənnəm” məfhumuna yazıçı ustalığı ilə yanaşır və o, öz qəhrəmanlarını Kosmosa səyahət etdirir. Bu əsərdə OdƏrlərin əsrlərlə yaşayan irsindən, onların qoruyub-saxladığı sistemdən də söz açılır.
Аннотация
Yazıçı İmran Qasımov və Həsən Seyidbəylinin “Uzaq sahillərdə” romanı Azərbaycan xalqının igid oğlu, Sovet İttifaqı qəhrəmanı Mehdi Hüseynzadənin – “Mixaylonun” mübarizəsinə, çətin sınaqlardan keçərək hitlerçilərin arxasında göstərdiyi xariqüladə qəhrəmanlıqlarına həsr edilib. Oxucu bu kitabda mərd azərbaycanlı oğlunun igidliklərlə dolu həyatı ilə tanış olacaq.
Аннотация
“Bakı-1501” Əzizə Cəfərzadənin ən məşhur romanlarındandır. Əsərdə Şah İsmayıl Xətainin Şirvanşahlar üzərinə yürüşündən, qanlı döyüşlərdən, o dövrdə baş verən hadisələrdən danışılır. Həmçinin kitabda əsl adı Bibixanım olan sadə kəndli qızının necə Sultanım xanıma çevrildiyinin və qalanı qoruyarkən Şah İsmayılla üz-üzə gəldiyinin, onu məğlub etməsinə baxmayaraq öldürmədiyinin şahidi olacaqsınız. Bu maraqlı əsərlə Azərbaycan tarixinin əhəmiyyətli dövrünə səyahət etmək, bir çox hadisələrin xəyali iştirakçısına çevrilmək imkanınız olacaq.