LITMIR.BIZ

Скачать книгу

      Hosbond han er hwipgal

      søen mud Awtensti.

      Tak, Palle! Men vi maa ha mir af den Slaw, men vi er ved æ.

      Trine, nu maa du syng.

      Hwadfor skal a?

      Jow; for du vil helst.

      Av da! Syng saa den, du lær af hind, Ann Katrin, der løb omkring og tegged.

      Hwem, sejer du?

      Aa, det ved du da nok! Hind der war gywt med ham den flott Skrædder, som vi kaldt Greven af Saksen.

      Naa-aa!

      Aa, Visti, læd nu vær aa trækk hind i æ Bjen saa læng. Det kan der jo blyw Tid te sin.

      Tak skal du ha, bette Trine. Frans war en Skurk, det vil a indrømm; men Piger med baar Fedder i Maanskjen er heller ett nem aa staa for for syndige Mennesker; de kan gjør jen æ broged nok med Hueser paa. – Men nu maa vi ha nø andt i æ Spil, for her er fuedkold, saa æ Mand, han laa med hans Bjen i æ Bæk.

      Æ Doeg bløder foruden og æ Swed forinden, saa vi taaler ett længer aa legg still. Men her baag ved er der en udmærket Liegplads; Per Søwren kan saa pust saa læng; der er inu en Par Stænk i æ Flask (rækker ham Flasken). Mir faar du ett, for mir haar vi ett.

      En Skjælm, der gir mir end han haar, læd mæ kuns faa æ Levninger!

      Den her Vej med Sølvtøjet!

      Godawten, Trine! Læd mæ sej dæ lig tow Urd.

      Er æ Gudsurd?

      Ja, om saa war! Saa vidt er æ wal ett kommen med dæ, te du ett kan taal aa hør dem?

      Jamen hwer Ting te si Tid; a haar wot te Kjerk jen Gaang i Daa, og vil du præjk for mæ, saa render a fræ dæ. Men haar du helsen29 nø godt aa sej mæ, saa faar a jo hør paa dæ en Ywblik.

      Aa, gaa saa læng, Visti!

      Naa, hwad er æ saa, du vil mæ?

      A vil først og fremmest sej dæ Tak for den Helsen, a fæk fræ dæ.

      A ved ett, a har send dæ nø Helsen.

      Jo – ow! A war iguer henn aa levir en Par Stud; saa mødt a di Faa'r, og saa saâ han, te han skuld hels mæ fræ hans Dætter; hun kam snaar øwer og si te mæ.

      Ja, det er aalsammel nøj, mi Faa'r gjør paa hans egen Beram. Du sorger jo sjel for, te a sir dæ saa tit, te a kan spaar mæ mi Helsner, om a ajted aa send dæ nue, hwad a for Resten ett gjør.

      Men vil du da aalle blyw min?

      Ett mæ mi gud Villi, det er da't aa lyw for dæ.

      Men nær nu Sjæl drages mod Sjæl – er det saa ett en yndig Syn for Herren?

      Det kan saamænd godt vær. A tror i de hiele, te du forstaar dæ bejer paa Sjæle end a gjør; men saa forstaar a mæ nok saa godt paa Mennesker, og det er Mennesker, a tar atter.

      For Resten er æ jo nø godt Plevver, nær du vil faa mæ te aa tro, te di Sjæl "drages" af min. Sej heller, te di Obligationer drages af mi Faa'rs Obligationer, di Hundredkronesedler af hans Hundredkronesedler, di Fiedstud af hans Fiedstud, for der er æ nok, æ Hummel stikker. Du tror, mi Faa'r haar en hiel Del Peng paa Rent – men du kund jo da ta Fejl.

      Hwad sejer du! Er di Faa'r ett en walholden Mand?

      Ja,

Скачать книгу