ТОП просматриваемых книг сайта:
Kitobxon
Все книги издательства Kitobxon
Аннотация
Таниқли болалар шоири Пўлат Мўмин ўзининг ушбу шеърий мажмуасига кейинги йилларда ёзган энг қувноқ, энг сара шеърларини киритган. Шоиримизнинг ушбу тўпламини ҳам жажжи ўқувчилар хурсандлик билан қарши олишига ишончимиз комил.
Аннотация
Po'lat Mo'min she'rlarida bolalarga xos beg'uborlik bor, har satri soddalig-u samimiylikdan so'zlaydi. Sersavol bolakayning qiziquvchanligi-yu arazchi qizaloqning tabiati ham aynan Po'lat Mo'min she'rlariga jo bo'lgan. Shoir she'rlarini bola bo'lib yozgani-ga shubha qilmaymiz. Satrlarning ravonligi ikki bolakayning o'zaro suhbatini eslatadi. Ijodkor, asosan, insoniy fazilatlar, tabiat hodisalari, atrofimizdagi borliqning bolalarga qiziqarli jihatlarini topib qalamga oladi. She'rlarni o'qir ekanmiz, ularni yod olgimiz, sinfdosh-u tengdoshlarimizga aytib bergimiz keladi.
Аннотация
Ушбу китобга Ўзбекистон ҳалқ ёзувчиси Пўлат Мўмин ўз умрининг охирги йилларида битган маснавийлари, қасидалари, ғазаллари ва шеърларининг бир қисми киритилди. Уларда фалсафий ва теран фикрлар ярқ этган. Бу назмий қаторларни шошилмай, диққат билан ўқиган инсон бир яхши қўшиқ завқини туяди, деган фикрдамиз.
Аннотация
Ўзбекистон бағрида кечмиши азалий, тарихан ўзига хос мавқе тутган аҳоли манзиллари кўп. Қашқадарё воҳасида таниқли масканлардан бири Пўлати қишлоғи ҳисобланади. Бу манзилда араб қавми, чорвадорлар, деҳқонлар, миришкорлар, зиёлилар, илм-фан фидоийлари, ижодкорлар, паҳлавонлар, санъаткорлар, муҳандислар, соғлиқни сақлаш ходимлари, таниқли арбоблар, бир сўз билан айтганда, касби корини улуғловчи бағри кенг, фозил, меҳнаткаш, тадбиркор, мард инсонлар яшайди.Мустақиллик йилларида Пўлатида қатор ижобий ўзгаришлар амалга ошди. Шаҳармонанд қиёфага эга бўла бораётган Пўлатининг асосий бунёдкорлари элини, юртини бениҳоя севадиган унинг жўмард фарзандлари. Қишлоқ кенгайгани, бир-биридан кўркам замонавий иморатлар барпо этилгани, спорт-соғломлаштириш муассасалари, маданият-маърифат кошоналари қурилгани сингари, унинг нуфуси ҳам йилдан-йилга ортиб бормоқда. Бугун Пўлатида 25 мингдан зиёд киши истиқомат қилмоқда. Она-Ватан қишлоқлар орасталигидан, ривож-равнақидан тобора гуллаб-яшнайди. Бунинг ёрқин мисоли Пўлати қишлоғи, унинг марказий қўрғони ва шижоатли одамларидир.Асар тарих мухлисларига, кенг китобхонларга, тадқиқотчиларга, талаба ёшларга мўлжалланган.
Аннотация
Мумтоз адабиётимизнинг сара жанрлари бўлмиш ғазал ва рубоий бадиият малоҳати билан асрлар оша дилларни ром этиб келади. Фузулий «Ғазалдур сафо бахшу аҳли назар, ғазалдур гули гулистони ҳунар», деб бежиз айтмаган. Мазкур девонда ҳам муаллифнинг ҳаётий қарашларини ғазал ва рубоий – тўртлик либосида рангин тараннум этувчи ашъор жам бўлган.Ғазалхон, шеърхон дилига меҳр ва тафт олиб кирувчи манзумалар қадри ҳамиша барқарор бўлади. «Назмий минтақа» девони мутолаасидан қалбларга илиқ туйғулар инмоқлиги тилакдошимиз, муҳтарам китобхон!
Аннотация
Инсоният тарихида машъум истибдодлар кўп кечган. ХХ аср бошларида большевиклар зўравонлик билан вужудга келтирган қизил салтанат – СССР халқни қирғин этишда барча мустабидларни ортда қолдирган эди. Муаррихлар ҳисобича, совет ҳокимияти қатағон йилларида 40 миллиондан зиёд кишининг ёстиғини қуритган. Ўзбекистонда Ватан озодлиги учун олиб борилган курашларда юз минглаб фидойилар ўлдирилган, муте бўлишни истамаган сон-саноқсиз ҳамюртларимиз отилган, қамалган, мол мулки тортиб олинган, фуқаролик ҳуқуқларидан маҳрум этилган, сургун қилинган. «Қамоқ салтанати» ҳужжатли романида қаттол совет тузумининг ваҳшиёна қиёфаси, мустамлакачилик сиёсатининг разолати Қашқа воҳасида 1920-1930 йилларда амалга оширилган хунрезликлар, бедодликлар мисолида кенг қамровда талқин этилади…
Аннотация
Pahlavon Mahmud ruboiylari sizga ilgaridan yaxshi tanish. Biroq har bir tarjimon tarjimaga o'ziga xosyondashadi. Ana shu nuqtai nazardan kelib chiqib,e'tiboringizga shoir va tarjimon Matnazar Abdulhakimning tarjimalarini havola qilamiz.Ular sizga manzur bo'ladi, degan umiddamiz.
Аннотация
Dаrslik «Engil sanoat buyumlari konstruktsiyasini ishlash va texnologiyasi to‘qimаchilik sаnоаti» yo‘nаlishlаridаgi «Tехnоlоgik jаrаyonlаrni lоyihаlаsh» fаni bo‘yichа tuzilgаn o‘quv dаsturigа аsоslаnib yozilgan.Dаrslikdа Rеspublikаmizdаgi pахtа, ipаk, jun, kаnоp, sun’iy vа kimyoviy хоm аshyolаrdаn tаyyorlаnаdigаn to‘qimаlаr uchun tехnоlоgik jаrаyonlаrni lоyihаlаsh аsоslаri kiritilgаn. Lоyihаlаshdа dаstlаbki tоpshiriqlаr, bаjаrilаdigаn ishlаr, to‘qimаni оldindаn bеrilgаn хususiyatlаri bo‘yichа lоyihаlаsh, yangi to‘qimа uchun tехnоlоgik jаrаyon vа uskunаlаr tаnlаsh, sаrflаnаdigаn хоm аshyomiqdоrini аniqlаsh usullаri kеltirilgаn.Yangi kichik kоrхоnаni qurish vа ishlаb turgаn kоrхоnаni qаytа jihоzlаsh, ulаrni tехnik-iqtisоdiy ko‘rsаtkichlаri оrqаli sаmаrаdоrligini аniqlаsh mаsаlаlаri hаm yoritilgаn.Zаmоnаviy kоmpyutеrlаshtirilgаn tехnоlоgik uskunаlаrgа tаvsif vа ulаrni pаrаmеtlаrini hisоblаsh, аmаldа qo‘llаsh usullаrigа kаttа аhаmiyat bеrilgаn.Dаrslikdа o‘zbеklаrning milliy to‘qimаlаridаn аvrli gаzlаmаlаrning, O‘zbеkistоndа ishlаb chiqilgаn yangi tехnоlоgiya vа uskunаlаri kеltirilgаn. Kitоbdа to‘qimаning yangi аssortimentlаrini vа o‘хshаsh to‘qimаlаrni tеzlikdа yarаtish usullаri kеltirilib ulаrning dаsturi ishlаb chiqilgаn.