LITMIR.BIZ

      Yıldızlarlan bilä Senin önündä

      Diz çökerim, Anam, sonsuz yıllara.

      İsteerim biläsin sensiz zor yaşamak –

      Sän benim kanadım – çetin hem… yalpak…

      Sän gücenersin hep, bobam,

      Ki anama sık danışêrım.

      Ölä ecel bizdä, ama

      İylip ta saa olasın deerim.

      Saa ol, bobam, ani

      Ecellän ödeşärkän,

      Bana da yol verdin

      Bu dünneyä, pek sevinärkän.

      Gücenmä, bobacıym,

      Ölä ömür erdä:

      Allah verdi çalıym

      Türkü salt Anaya.

      Bilersin mi, boba,

      Kalmış, allem, ölä,

      Salt karıya dua

      Yapmaa bu ömürdä.

      Afet beni, boba.

      Hem saa ol, ani varım.

      Allah versin – yaşa,

      Buna da sevinärim.

      Bakmadaan ne karannaa, ne havaya,

      Ne lüzgerä, ne da yorgun kafaya,

      Kaar mı, duman mı, sellär mi basêr

      Kendi yolunda adam adımnêêr –

      Yolcuya yol yaraşêr.

      Cinger onu çıvgın lüzgerlär,

      Yakıp, kaurêr keskin güneşlär,

      Düülmüş tabannar, ökçelär çatlamış,

      Ayak kapları çoktan aşınmış –

      Yolcuya yol yaraşêr.

      Yolcunun var yolu – evinä varacek.

      Onu bekleyän ana deyecek:

      “Geldin mi oolun?

      Ya sän yorgun!

      Yıka ellerni. Bojini yap.

      Buyur sofraya. Mancadan dat.

      Sana deyni bu diil yaban dat!

      Al peşkiri, koy dizinä, yavaşıcık bük,

      Sofradan diilsin sän büük.

      Şindi oruç, sofrada yok yaalı…

      Yaarın, oolum, bobanın altı yılı…”

      Gömärkän sandıını

      Eşil kapladılar…

      Aarama ardını –

      Artık uçtu yıllar.

      Ama gecä konêr

      Bu zavalı topraa.

      Aklım konak olêr

      Geçmiş zamannara.

      Görerim önümdä

      Oguz bayrakların

      Eşil düülmesini

      Hem Kurt5 kavasının

      Altın şiridini.

      Görerim önümdä

      Oguz askerini –

      Mızrak6 ellerindä,

      Ateş gözlerindä…

      Oklar da pek sivri.

      Bir Kartal – kuş gibi

      Uçêrlar ileri.

      Beygirleri nallı,

      Gökädän toz kalktı

      Bu nal ötmesindän.

      Dalga-dalga üüşer

      Her taraftan asker.

      Sesi gür uluyêêr,

      Dolayları kaplêêr

      Asker şu denizi.

      Kara kannar akêr,

      Sestän cendem öter,

      Cennet ta uluyêr.

      Cannar gökä uçêr

      Ecel esmesindän…

      Dannar başlêêr armaa,

      Kannar – pihtilenmää…

      Topraa esir aldı

      Üüsek eşil otlar…

      Uçtu o zamannar…

      Ama gecä, kalkıp,

      Çıkêrım dışarı.

      Da önümdä durêr

      Oguz bayrakların

      Eşil düülmeleri

      Hem Kurt kavasının

      Altın şiritleri…

      Hem da senin

      Eşil kaplı sandıyn,

      Malim…

      Mali, mali, ihtär malim,

      Kaar saurardı dışarda.

      Enikunu türkü çalardın.

      Yıllar uçardı önümdä…

      Rökedä sümek yapaa,

      İi bıkamazdı dönmää.

      Annadardın nicä askerlär

      İnsanı haydardı esirlää.

      Kımıldardı gölgelär

      Tavanın kirişindä,

      Hep geçärdi dedelär

      Ömürlü bu içerdän.

      Seftä

Скачать книгу