God se troos as jy swaar kry - Nina Smit

Скачать книгу

      wat altyd daar is, ook as ons pad deur die donker dieptes loop.

      My arms is op die oomblik swak,

      ek het nie krag om aan U vas te hou nie,

      maar ek het U nodiger as ooit.

      Hou U my vas, Here.

      Ek voel soos ’n kindjie wat bang is vir die donker.

      Ek het u bemoediging en u nabyheid ontsaglik nodig.

      Moet my asseblief nie nou aan myself oorlaat nie,

      maar bewaar my van opstandigheid en twyfelvrae.

      Help my deur elke nuwe dag wat soos ’n berg voor my lê,

      maar veral bid ek, Here,

      dat U my sal help om selfs in hierdie moeilike omstandighede

      tot u eer te lewe.

      Al lyk dit op die oomblik vir my amper onwaarskynlik, Here,

      bid ek ook dat u dag weer oor my lewe sal breek

      en dat U weer my trane sal afdroog.

      Al kan ek dit nie voorsien nie, vertrou ek U tog daarvoor!

      Here, ek kan nie wág dat U weer moet kom

      om die hartseer en trane vir goed uit ons wêreld

      weg te neem nie.

      Kom tog gou, Here Jesus!

      Hannes Burger – Stemme van geloof

      4

      Wanneer die antwoorde uitbly

      “Ek roep na U om hulp, maar U antwoord my

      nie. Hier staan ek, maar U steur U nie aan

      my nie … Al wat vir my oorbly, is ’n treurlied

      op die lier, ’n lied van trane op die fluit.”

      Job 30:20, 31

      Job wil dringend antwoorde van God hê. Hy kan net nie verstaan hoe ’n regverdige God hom so onverdiend kan straf nie. Hy het alles in die wêreld verloor – sy besittings, sy kinders en sy gesondheid. Maar tog hou Job steeds aan Gód vas. Hy vertel vir God van sy hartseer en hy soek na God se antwoorde op sy waarom-vrae.

      Oënskynlik steur God Hom nie aan Job se jeremiades nie. Job ervaar persoonlik dat God nie na hom luister nie. En dit maak hom geweldig hartseer. Toe sy vriende probeer om vir hom kitsantwoorde te gee, raak Job net al meer verward.

      Eers toe God vir Job aan die hand vat, hom op ’n wandeling deur sy skepping neem en ’n kykie in sy heerlikheid gee, besef Job dat God hom nie ’n antwoord skuld nie. God is almagtig en heerlik. Alles onder die hemel behoort aan Hom. Wie kan van Hom rekenskap eis oor sy dade? Wie kan sê: “U het verkeerd gedoen”? vra sy vriend Elihu (Job 36:23). Toe besef Job dat hy eintlik vermetel was om God te bevraagteken en buig hy in sak en as voor sy Skepper.

      Dawid het ook eenkeer by God gaan aanklop vir antwoorde. Antwoord my tog gou, Here, ek is heeltemal gedaan. Moet tog nie van my af wegkyk dat ek word soos dié wat sterwe nie, bid hy in Psalm 143:7.

      Miskien is jy ook op soek na antwoorde op jou persoonlike waarom-vrae. Jy wil graag weet waarom daar so baie onverklaarbare rampe in jou lewe gebeur. Dit voel vir jou, soos vir Job en Dawid van ouds, asof God nie na jou luister nie, asof Hy jou waarom-vrae nie hoor nie. Vir jou het dit dan juis nou tyd geword om stil te wees en God van nuuts af te vertrou.

      If we insist on pursuing the question “Why?” we shall only increase our sense of frustration and perhaps bitterness. We only add to our injury and block the way for God’s love to reach us, skryf David Watson in Rivers in the desert.

      God géé nie altyd antwoorde op ons waarom-vrae nie. Eugenia Price het ’n boek geskryf met die titel No pat answers. Daar bestaan eenvoudig nie gerieflike antwoorde op al die vrae wat ons na God se kant toe slinger nie. Ons wéét nie waarom twee onskuldige Christenmeisies in hul woonstel verkrag word nie. Ons weet nie waarom boere op hul plase vermoor word nie. Ons weet nie waarom mense hul werk verloor nie. Ons weet nie waarom kinders in motorongelukke vermink word nie.

      Vir jou waarom-vrae is daar ook nie kitsklaar-antwoorde nie. Maar as jy bereid is om by God stil te word, om al meer tyd by Hom deur te bring, sal jy mettertyd besef dat God die enigste antwoord is. Alles wat met jou gebeur, is deel van sy plan met jou lewe – óók jou pyn en swaarkry. God wil jou deur hierdie pyn begelei tot ’n nuwe ontdekking van sy majesteit en almag, soos Hy vir Job gedoen het. Hy wil jou laat getuig soos Dawid later in Psalm 143:8 getuig: Laat my elke môre u liefde ondervind, want in U stel ek my vertroue. Wys my die pad wat ek moet loop, want my hoop is op U gevestig.

      Wanneer jy weer in ’n krisis beland, hou net aan hierdie belofte vas.

      Hemelse Vader,

      vergewe my dat ek U so bly peper

      met my baie waarom-vrae,

      dat ek, soos Job en Dawid,

      kitsantwoorde van U wil hê.

      Leer my opnuut dat U almagtig is,

      dat U my nie ’n antwoord skuld nie,

      dat ek juis met hierdie vrae u liefde blokkeer

      sodat dit nie by my kan uitkom nie.

      Dankie vir die versekering dat dié dinge waaroor ek so baie vrae het

      onlosmaaklik deel van u plan vir my lewe is

      en dat dit my uiteindelik wil lei tot ’n vars, nuwe ontdekking

      van u mag en majesteit.

      Vader, ek wil nou al hierdie vrae los

      en net op U bly fokus –

      U wat volmaakte liefde is.

      Laat my elke môre opnuut bewus word van u liefde.

      Wys my die pad wat ek moet loop,

      want my hoop is op U gevestig.

      Dankie dat ek nie meer vrae het

      wanneer ek op U konsentreer nie

      omdat ek weet dat U self die antwoord is.

      Amen

      Jou reddingsgordel

      I lay my “whys” before your cross,

      in worship kneeling,

      my mind too dumb for thought,

      my heart beyond all feeling:

      And worshipping realise that I

      in knowing You –

      don’t need a why

      Ruth Bell Graham – Rivers in the desert

      5

      Nóú weet jy …

      Daarna het Job vir die Here gesê:

      “Nou weet ek dat U tot alles in staat is en

      dat U kan uitvoer wat U besluit.”

      Job 42:1-2

      Toe Job die Here peper met sy waarom-vrae het sy vriend Elihu vir hom goeie raad: Luister hierna, Job, staan stil en dink na oor die wonderdade van God, raai hy hom aan. Weet jy hoe Hy … die lig deur die wolke laat breek? Weet jy hoe die wolke sweef? Dit is die wonderlike werk van Hom wie se kennis volmaak is. Ons kan by die Almagtige nie kom nie, sy krag is groot (Job 37:14-16, 23).

      Daarna is dit God se beurt om Job met vrae te konfronteer en op antwoorde aan te dring: Ek sal vra, antwoord jy My, sê Hy. Waar was jy toe ek die aarde se fondamente gelê het? … Wie het die aarde afgemeet? … Wie het die see opgedam … ? Hoe loop die pad na die plek waar die lig woon? En die donkerte, waar is sy woonplek? (Job 38:3-5, 8, 19). Toe God hom hierdie vrae vra, besef Job dat hy uit sy beurt gepraat het. Dat ’n nietige

Скачать книгу