LITMIR.BIZ

      Каләмтәраш[2] булсын – каләмкашка[3],

      Каләмкашка булсын – каләмдан[4],

      Кара савытлары – каләндәргә[5],

      Гамьнәр савар өчен Галәмнән.

      Күкләрдән ак, сөтләрдән пакь торган

      Дәфтәр бите булсын каләм өчен.

      Кара тамсын каләм канатыннан,

      Каләм булсын кайнар сәлам өчен.

      Һәрбер нәрсә тапсын шулай ишен

      Һәм башкарсын тиешенчә эшен.

      Шагыйрь каләмнәре язган сүзне

      Боза алмас һичбер заман кеше.

      Кара савытлары, дәфтәр бите —

      Шигырь савар өчен Галәмнән.

      Илгә, җилгә, ярга ярар микән

      Язганнарым минем каләмән[6]?

      Киләсе көн нәрсә көтә диеп

      Уйланырга безгә нәрсәгә соң?

      Язмыш дәфтәрләре ачык инде…

      Шул дәфтәрнең бите күбрәк булсын.

      Кирәк иде башкачарак яшәү —

      Дога белмим, битләр күп ачылган…

      Ниләр укырмын мин, ни диярмен,

      Киткәнемдә сезнең арагыздан?

      Ярлыкарлык начар гамәлләрне

      Кыла алдым микән яхшы эшләр?

      Шигырь яздым! Ә бит беркем белми,

      Бәлки, шагыйрь, үлгәч, телен тешләр…

      Акылсызлык белән акыллылык —

      Ике чиксезлектер, бездер ул.

      Беренчесе шуның – мин фәкыйрең,

      Икенчесе, хуҗам, – Сездер ул.

      Хуҗам белер, диеп әйтер төрек.

      Белеклелек белән белексезлек —

      Ике чиксезлектер. Бездер ул.

      Беренчесе, хуҗам, – Сездер ул.

      Бик белекле карап торасыз Сез

      Сөйләвемә минем, көлгәнгә…

      Сезнең янда тоям үземне мин

      Сезгә лаек түгел бер бәндә.

      Беребез – шагыйрь, беребез —

      галим безнең.

      Акыл һәм хис, дисез кайвакыт.

      Сез акылга һәйкәл шикелледер,

      Халык чәчәк куяр, яратып.

      Бөртек-бөртек киттем төртеп,

      Ак кәгазьне чуарлатып.

      Төртәм, сызам,

Скачать книгу