Еллар бүләге. Шигырь 12 том. Стихи - Рузил Фазлыев

Скачать книгу

сайларга.

      Уңай вакыт акыл яңартырга,

      Рамаданда – изге айларда.

      Җырлаганнар дога була алмый,

      Биегәннәр булмый намазлар.

      Тамашалар туктый вакыт җитеп,

      Ишетелгән чакта азаннар.

      Алыштырмый алар гыйбәдәтне,

      Тамашада дога кылмыйлар.

      Дога урынына клуб сайлап,

      Инде ихлас мөэмин булмыйлар.

      Мәчет сүтеп клуб салынды бит,

      Биздерергә диннән кешене.

      Кем ышана икесе бер диеп,

      Дини бәйрәм клуб эшеме.

      Иман сүзе каян килә алсын,

      Шайтан туе булган җирләргә.

      Иң беренче түбәтәйне салып,

      Дин сүгәргә яшьләр килгәнгә.

      Түбәтәйләр калды сәхнәләрдә,

      Татар булып бераз калырга.

      Сәясәте калды элеккечә,

      Көч җитсә дә мәчет салырга.

      Рамаданда клуб «яллар итә»,

      Кемдер бәлки «ифтар» үткәрер.

      «Тыелып та торыр, сабыр итеп»

      Рамадан ае үткәнен.

      Башы аның шулай башланган,

      Клуб салып динне тыйганнар.

      Дәүләт ханә… анда чара ясый,

      Үзен диннән өстен куйганнар.

      …дөреслек

      Кайда дөнья дөреслеген,

      Төзи алган кешеләр.

      Андый хыяллы кешенең,

      «Авызлары өшегән».

      Ышандырырга тырышып,

      Рубелне мактыйлар.

      Дошманныкы болар диеп,

      Утка доллар якмыйлар.

      Хурлаганга омтылулар,

      Каян калган гадәттер.

      Кайда ялган, кайда хаклык,

      Аңлар өчен сәбәптер.

      Бер кешең ахмаклыгы,

      Дөньяларны туздыра.

      Куштан белән ялагайлык,

      Берсен берсе уздыра.

      Югалыпта бетә кебек,

      Бу дөньяда дөреслек.

      Барыбызда кимегәнгә,

      Дөреслеккә хөреслек.

      Ике «дөрес» бәхәсләшсә,

      Башлана да ялгышлар.

      Вакытлыча «акыллылар»

      Аек чакта салмышлар…

      Ерагаю

      Ерагая бара үткән тормыш,

      Онытыла… искә алмаган.

      Югалалар, читкә мөкиббәннәр,

      Бер юл белән генә бармаган.

      Бушамыйча күрше бәйрәменнән

      Үрдәк арасыннан, каз эзләп.

      Таба алмый күңел тынычлыгы,

      Шайтан арасыннан наз эзләп.

      Ерагая әби бабайлары…

      Бабуля һәм дедка әйләнеп.

      Өзеләләр нәсел нигезләре,

      Кала алмый, җептә бәйләнеп.

      Ерагая иман, күңелдәрдән,

      Сүрәт булып калып догалар.

      Үзләренчә, гамәлләрсез генә,

      Җәннәтләргә кермәк булалар.

      Дин белгече «яллар итә» хәзер,

      Дин белмәгән кеше калмады.

      Гыйбәдәттән ерак булу өчен,

      Шайтан безне шулай алдады.

      Ерагая барып, без Хаклыктан,

      Мөшкеллекне якын итәбез.

      Язмыш биргән әрәм булып кала,

      Месенлекне татып китәбез.

      Замана коралы

      Ватык телефоннар дидек,

      Гайбәт фәлән йөргәннәрдә.

      Шул

Скачать книгу