ТОП просматриваемых книг сайта:
Энг қайғули шодлик. Федерико Гарсиа Лорка
Читать онлайн.Название Энг қайғули шодлик
Год выпуска 0
isbn 978-9943-03-775-5
Автор произведения Федерико Гарсиа Лорка
Издательство Kitobxon
пирпиракка кўмилсам.
Дунёдан қайтганимда!
УЧ ШАҲАР
МАЛАГЕНЯ
Ўлим
кирар
майхонага.
Ўтар қора отлар
ва ёвуз рўйлар
гитаранинг чуқур
роҳлари бўйлаб.
Соҳилда титраган
нардлардан анқиб,
майхонага келар
шўртанг қон ҳиди.
Ўлим
кирар,
ўлим кирар,
кираверар, кираверар
майхонага.
ҚУРДОБА МАҲАЛЛАСИ
Биллурий фонусла
Юлдузлар ёғдусидан
яшириндилар бу уйда.
Йиқилади оғир тун.
Ичкарида ўлган қиз
сочларига кўмилган
қорақизил атиргул,
дераза симтўрида
йиғлайди олти булбул.
Эрлар ўтар хўрсиниб,
очиқ қўйиб ўтарлар
гитаранинг кўксини.
ЎЙИН
Севилла шомларида
Кармен ёниб ўйнайди.
Сочлари қордай оппоқ,
ялтирайди кўзлари.
Қизлар,
ёпинг пардани!
Ётар сариқ илондай
тасмадай нур бошида.
Жон ато этар ўйин
маҳобатли мозийга.
Қизлар,
ёпинг пардани!
Кимсасиз кўчаларда,
нурсиз уйлар қаърида
андалус юраклари
қўмсар эски дардларни.
Қизлар,
ёпинг пардани!
ОЛТИ КАПРИЧЧО
ГИТАРА ФОЛИ
Чорраҳа
доирасида
ўйнар
олти қиз,
Учтаси – теридан,
учтаси – симдан,
уларни излар кечаги тушлар,
лек уларни қўймас оғушдан
олтин Полифем.
Гитара!
ШАМ
Ўҳ, қандай оғир ўйга
чўмар шамнинг ёлқини.
Қарар олтин қаърига
мисли ҳинди жодугар,
учар титраб шамолсиз
бир маъвони орзулаб.
Уясидан елимшак
сояларни бирма-бир
чўқийди олов лайлак.
Ногоҳ қарар чўзилиб
ўлган лўли боланинг
дум-думалоқ кўзига.
КРОТАЛО
Кротало.
Кротало.
Кротало.
Сайроқи чигиртка.
Ўргимчакка
ўхшаш қўлдасан,
қизиган ҳавони
уриб бўласан,
оғоч куйларингни,
куйлаб ўласан.
Кротало.
Кротало.
Кротало.
Сайроқи чигиртка.
ЧУМБЕРА КУМАНЖИРИ
Ёввойи Лаокоон.
Қандай созсан
янги ой чиққан тунда!
Қўли кўп чавгончи.
Қандай созсан,
шамолга даҳшат сунар!
Исмсиз, ҳадсиз
оғриғингни