LITMIR.BIZ

      Səhər durunca,

      Əlimdə fırça,

      Sildim dişimi,

      Bildim işimi.

      İnanmırsan, bax,

      Dişim ağappaq.

      Üstüm tərtəmiz.

      Bax beləyik biz!

      Qərənfiləm mən,

      Gözəl güləm mən;

      Yaşıl saplaqlı

      Bir sünbüləm mən.

      Mən bağban qızı,

      Bağın ulduzu;

      Rəngim ağ, sarı,

      Al və qırmızı.

      Gəl saxla ayaq,

      Durma, gendən bax!

      Gəlsəm xoşuna,

      Dər, döşünə tax!

      Bənövşəyəm, bənövşə,

      Düşmüşəm dilə-dişə;

      Qızlar, oğlanlar məni

      Dərib taxarlar döşə.

      Bahar oldu açaram,

      Qar, borandan qaçaram;

      Başqa güllər açanda

      Mən quş olub uçaram.

      Qurudar məni ayaz,

      Yaşayıram bircə yaz.

      Rəngim, ətrim gözəldir,

      Əl vurmayın, ömrüm az.

      Qızılgüləm, qızılgül,

      Məni sevər hər könül.

      Yaşıldır incə belim,

      Qızıldandır hər telim.

      Səhər erkən açaram,

      Gözəl qoxu saçaram.

      Ətrim tutar hər yanı,

      Mənim kimi gül hanı?

      Mən əllərdə gəzərəm,

      Süfrələri bəzərəm.

      Mənəm gözəl qızılgül,

      Sən ey qönçəm, açıl, gül!

      Zanbağam mən, zanbağam,

      Ay işığından ağam.

      Açdığım hər ağ çətir

      Ətrafa yayır ətir.

      Ağ atlazdan donum var,

      Gümüş kimi parıldar.

      Mən də gözəl çiçəyəm,

      Toxunma ağ ipəyəm.

      Oxu, bülbülüm, oxu,

      Yazdır, səhər çağıdır.

      Oxu, sənin xoş səsin

      Şənliklər qaynağıdır.

      Oxu, oxu, xoş nəğmən

      Nəşə versin ellərə.

      Şən səsin, xoş nəfəsin

      Yayılsın bu çöllərə.

      Oxu çöldə, çəməndə,

      El əkəndə, biçəndə,

      Başla yeni bir dastan

      Biz bənövşə dərəndə.

      Bülbülüm, tik yuvanı,

      Bəslə, böyüt balanı.

      Qoy nəsliniz çoxalsın

      Biz böyüyən zamanı.

      Arıyam, zəhmətkeşəm,

      Bal, mum çəkməkdir peşəm.

      Səhər güllər açınca,

      Gözəl qoxu saçınca

      Uçaram göy yamaca,

      Çiçək açmış ağaca,

      Ya çəmənə, meşəyə,

      Qonaram hər çiçəyə;

      Şirəsini çəkərəm,

      Pətəyimə tökərəm,

      Çalışıram doqquz ay,

      Hamı məndən alır pay.

      Balımdan qoy yesinlər,

      Mənə “Sağ ol!” desinlər.

      Mənəm qanadlı çiçək,

      Adım isə kəpənək.

      Al-əlvan xallarım var.

      Qızıl kimi parıldar.

      Qanadımı açaram,

      Budaq-budaq uçaram.

      Yuvam, otağım ancaq

      Olur yaşıl bir yarpaq,

      Mənim dostumdur hər gül,

      İncə telli göy sünbül.

      Oynağımdır çöl, çəmən,

      Məni tutmaq istəyən,

      Ey mehriban uşaqlar,

      Siz yaşayın bəxtiyar!

      Mənim də bu dünyada

      Bir başqa aləmim var…

      Qara yallı atım, qaç!

      Üstü xallı atım, qaç!

      Yorğala, uç quş kimi

      Apar məni nənəmə.

      Qaçın, qaçın!

      Tez yol açın!

      Tram… trım…

      Uçur atım.

      Uç nənəmin yanına,

      Bir qol salım boynuna.

      Alma versin o bizə,

      Dönək yenə evmizə.

      Qaçın, qaçın!

      Tez yol açın!

      Tram… trım…

      Uçur atım.

      Gözün

Скачать книгу