ТОП просматриваемых книг сайта:
Kazakhcontent
Все книги издательства Kazakhcontent
Аннотация
Бұл кітапта Мәжит есімді ирандық баланың басынан кешкен оқиғалары баяндалады. Әжесінен басқа ешкімі жоқ бала Мәжит Иранның Керман қаласына жақын маңда туып, кейінірек әжесі екеуі қалаға көшіп келеді. Кітапқа сегіз әңгіме енді. Әр әңгімеде Мәжит қызықты да қиын бір жағдайға түсіп отырады. Бірақ бас кейіпкер қиыннан қиыстырып жол табуды да біледі. Кітап авторы ақкөңіл баланың аузымен тәлім-тәрбие, отбасылық құндылықтар мен өмірге деген құштарлық жайлы ойларын оқырманға шебер жеткізеді. Кітап балаларға, жасөспірімдерге, студенттерге және балалар әдебиетіне қызығатын барлық оқырманға арналған.
Аннотация
Бұл кітапта ағылшын жазушысы Мария Луиза Раменің (Уида) «Дала» және «Өркөкірек» деген шығармалары еніп отыр. Бұл кітаптар 1937 жылы латын хәрпінде жарық көрген еді. Соны қайта басып, оқырманға ұсынып отырмыз. Кітап көкірегін құндылыққа толтырғысы келетін оқырманға арналады.
Аннотация
Кітапта ағылшын жазушысы Мария Луиза де ла Раменің «Нелло мен Патраш» атты еңбегі балалардың тіліне ыңғайлап, ықшамдап берілген. Мұнда Нелло атты жетім бала мен оның Патраш атты төбетінің басынан кешкен аянышты өмірі бейнеленеді. Бұл кітап алғаш рет 1937 жылы жарық көрген екен. Соны қайта өңдеп, ұсынып отырмыз. Бұл кітап көкірегін құндылыққа толтырғысы келетін оқырманға арналады.
Аннотация
Бұл кітап – ағылшын жазушысы Даниел Дефоның қызықты саяхат тақырыбындағы көркем шығармасы. Роман қазақ тіліне алғаш 1937 жылы аударылған. Соны қайта өңдеп, балалардың тіліне ыңғайлап шығарып отырмыз. Кітап көкірегін құндылыққа толтырғысы келетін оқырмандарға арналған.
Аннотация
Бұл кітаптың идеясына ұқсас сюжеттер ағылшын, испан, түрік, парсы тілдерінде жарық көрген. Біз мұның қазақша нұсқасын жасап отырмыз. Яғни кітаптың кейіпкерлері мен мазмұны қазақы танымда баяндалған. Мұндағы мақсатымыз – кішкентай балаларды өз ұғымына, танымына жақын оқиғалармен қызықтырып, кітап оқуға баулу. Кітап бастауыш сыныпта оқитын балаларға арналады.
Аннотация
Бұл кітапта XXI ғасырдың ең үлкен проблемасына айналған экзистенциялық фрустрацияның қазақ қоғамындағы пайда болуы мен таралу себептеріне экзистенциялық анализ жасалады. Әлем бойынша өзінің тарихи жадынан айырылып, ана тілі мен төл мәдениетінен көз жазып қалып, рухани тоқырауға тез ұрынған халықтың бірі – қазақ жұрты. Жалпы адам болмысының іштен бөлшектенуі XXI ғасырда жаппай белең алған қауіпті құбылыс саналады. Әзірге өз мәдениеті мен тарихы терең тамырына үңілуге қабілетті, сауатты елдер ғана бұл дертпен сәтті күресіп жатыр. Біз де осының қазақша нұсқасын жасадық. Кітап қазақ мәдениеті мен танымына қызығатын оқырманға арналады.
Аннотация
Бұл кітапта Сандыбад атты жиһанкездің басынан өткен қызықты оқиғасы берілген. Бұл оқиға – «Мың бір түн» ертегілер желісінен алынған. Ертегіні заманында Қалмақан Әбдіқадыров, Қайым Мұхамедханов сынды жазушылар аударған. Біз сол аудармаларды және орыс тіліндегі нұсқаларын жинақтап, редакциялап, мәтінді балалар тіліне лайықтап беріп отырмыз. Кітап қиял-ғажайып ертегіге қызығатын оқырманға арналады.
Аннотация
Кейқауыс деген патша 63 жасқа келгенде өзінің ұлы Ғиланшахқа арнап өсиетнама кітабын жазады. «Менің дүниедегі жиып-терген ең қымбат асыл қазынам – саған арнап жазған осы үгіт-насихат кітабым», – дейді. Кейін бұл кітапқа патшаның есімі тіркеліп Қабуснама деп аталады. Бұл кітап XI ғасырдан бастап Шығыс елдерінде өте кең таралады. Тіпті XX ғасырдың басына дейін өзекті дүниеге айналған. Бұл кітапты қазақ тіліне 1973 жылы Тұрсынәлі Айнабеков деген абыз ақсақал аударып, қазақша сөйлеткен. Сол кісінің еңбегін қайта басып отырмыз. Кітаптың мазмұны адамгершілік, әділдік, ар-ұят, махаббат, мейірім, жауапкершілік сияқты рухани феномендерді насихаттайды. Кітап Шығыс даналығы мен мұрасына қызығатын оқырманға арналады.
Аннотация
Бұл кітапта Шығыстың жеті жұлдызының бірі – Омар Хайямның «Наурызнама» атты рисаласы берілген. Мұнда Наурыз мерекесінің пайда болуы жайлы хикаялар, парсы жұртындағы наурыз ғұрыптары жайлы аңыздар ұсынылады. Одан бөлек Шығыстың бірнеше шырынды хикаялары да қамтылған. Кітаптың соңғы жағына Шығыстың тағы бір жұлдызы – Тирмизидің «Наурызнама», «Салнама» сияқты рисаласы аударылып ұсынылды. Сосын Мәшһүр Жүсіп Көпейұлының «Наурызнамасы» да жинақталып берілді. Кітап шығыс даналығына, хикметіне қызығатын оқырманға арналады.
Аннотация
Бұл кітаптағы аңыздар Отбасы хрестоматиясы сериясымен шыққан «Яссауи феномені» кітабынан ықшамдалып алынды. Кітапта Қожа Ахмет Яссауи мен оның шәкірттері жайлы аңыздар берілген. Кітап Қожа Ахмет Яссауидің өмірі мен хикметіне қызығатын оқырманға арналады.