ТОП просматриваемых книг сайта:
Хошимов Уткир
Список книг автора Хошимов Уткир
Аннотация
Ўзбекистон халқ ёзувчиси Ўткир Ҳошимовнинг «Икки эшик ораси» романи адибнинг энг салмоқли асарларидан бири ҳисобланади. Романда ўзбек халқининг ғаройиб хусусиятлари — жўмардлиги, ҳар қандай вазиятда ҳам имонини йўқотмаслиги, меҳри дарёлиги теран туйғулар, ёрқин бўёқларда тасвирланган. Шу боис роман неча юз минг тиражда неча марта чоп этилмасин, қўлма-қўл бўлиб кетди…"Сайланма"нинг иккинчи жилдида, шунингдек, ёзувчининг турли йилларда яратган энг сара ҳикоялари, ҳажвий асарлари ҳамда инсон қисмати, табиат ва жамият тақдирини ўйлаб, куюнчаклик билан ёзган мулоҳазалари ўрин олган. Бу китобнинг сизларга манзур бўлишига ва ҳаяжонга солишига ишонамиз.
Аннотация
Эл ихлосини қозонган адиб, Ўзбекистон халқ ёзувчиси Ўткир Ҳошимов асарлари аллақачон юз минглаб китобхонларнинг маънавий мулкига айланган. Унинг қирқдан ортиқ китоби чоп этилган. Китобларининг умумий тиражи икки миллион нусхадан ошади. Кўп асарлари қатор ҳорижий мамлакатларда нашр этилган. Ўткир Ҳошимовнинг асарлари чоп этилиши биланоқ қўлма-қўл бўлиб кетади, Негаки, уларда Инсон қисмати бор, инсон дарди, қувончи, изтироблари бор. Адибнинг икки жилдлик Сайланмасига энг сара асарлари жамланган. Биринчи жилддан жой олган «Дунёнинг ишлари», «Нур борки, соя бор», «Тушда кечган умрлар» каби йирик асарлар, турли йилларда ёзилган ҳикоялар ўқувчини ларзага солишига ишонамиз.
Аннотация
O'zbekiston xalq yozuvchisi O'tkir Hoshimov «Bahor qaytmaydi», «Dunyoning ishlari», «Nur borki, soya bor», «Ikki eshik orasi», «Tushda kechgan umrlar» kabi qissa, roman va teran hikoyalari bilan allaqachon muxlislar qalbidan mustahkam joy olgan. Voqelikni hayot haqiqatiga omixta qilib, asar qahramonlarining ichki olamini har tomonlama mukammal, to'g'ri va aniq tasvirlash, unga o'quvchini ishontira bilish O'tkir Hoshimov ijodining tayanch nuqtasi hisoblanadi. Adibning ushbu to'plamiga kiritilgan sara hikoyalarida ham inson taqdiri, o'y-xayollarining nozik qirralari o'z badiiy ifodasini topgan. «O'ylar» rukni ostida qalamga olingan mavzularda esa, insof, andisha, uvol kabi insonga xos odob-axloq, ma'naviy olam, milliy qadriyatlar, sho'ro davri adolatsizliklari dadil yoritilgan va mavzular har bir vijdoni uyg'oq insonni bahsga chorlaydi. Hazil-mutoyiba, jarangdor qahqahaga boy hajviy hikoyalar turmushda uchrab turadigan noxush illatlarni fosh etish bilan birga kitobxon labida shirin tabassum uyg'otadi. Adib «… kitob yozsangki, uni o'qigan kitobxon hamma narsani unutsa, asar qahramonlari hayoti bilan yashasa …» deb orzu qilgan. O'ylaymizki, ushbu to'plam ana shu orzular mahsuli bo'lib, Siz aziz kitobxanlarni o'ylashga, mulohaza qilishga chorlaydi.
Аннотация
Ushbu kitob muallifnmg sinchkov kuzatuvlan, o'y-kechinmalari, armonlari, lstehzoli va tabassumli xulosalari asosida dunyo yuziini ko'rgan bo'lib, unda falsafiy fikrlar bilan birga Vatanimiz boshiga tushgan og'ir kulfat – «o'zbek ishi», «paxta ishi» degan qatag'on yillari tog'risidagi ma'lumotlar go'zal lavhalarda tasvirlangan. Siz aziz oquvchilarkitobidan o'rin olgan lavhalar bilan tanishar ekansiz, sho'ro zamomning ba'zi hunarlaridan naifatlanib, bugungi mustaqillik kunlarimiz qadrini his etasiz deb umid qilamiz.
Аннотация
O'tkir Hoshimovning « Dunyoning ishlari» qissasi avtobiografik ruhdagi asarlarni eslatadi. Unda yozuvchi urush yillarida kechgan bolaligi orqali o'z onasining aniq portretini yaratadi. Yozuvchi ushbu asarda pokiza, zahmatkash va mushfiq o'zbek onalarining qiyofasini chizadi.