LITMIR.BIZ

Mazkur o'quv-qo'llanma tabiat fanlari orasida, ayniqsa, fizika sohasida, ishlab chiqarish va turmush bilan chambarchas bog'langan. Tarixiy materiallarda pedagog olimlar tomonidan ilmiy haqiqatlarni quruq yodlab olishga o'rgatish yoki fanlarni quruq ishlar va sxemalardan iborat qilib qo'yilishga qarshilik ko'rsatilib, yoshlarning zehnini asosiy ilmiy faktlar, bilimlar bilan to'ldirish va mukammallashtirish zarurligi ta'kidlangan. Shu nuqtayi nazardan, o'quvchilarni fan asoslari bo'yicha puxta bilim bilan qurollantirish, ularda yuksak onglilikni shakllantirish bilan bir qatorda, ularni hayotga, kasblarni ongli ravishda tanlab olishga tayyorlash maktablarning va ayni damda akademik litsey hamda kasb-hunar kollejlarining asosiy vazifalaridan biridir. Respublikamiz ta'lim muassasalari zimmasiga faqat bilimdon yoshlarnigina tayyorlab qolmasdan, ularga kelgusida hayotni ongli boshqaruv ko'nikmalarini berish vazifasi va maqsad ham yuklatilgandir. Yirik nazariyotchi va metodist olimlar to'g'ri ta'kidlaganlaridek, maktab o'quvchilari hamda talaba-yoshlarni, barcha sanoat ishlab chiqarishning ilmiy asoslari, hozirgi zamon mehnat madaniyati bilan tanishtirmog'i, turli texnika jarayonlari orasidagi bog'lanish to'g'risida tushuncha bermog'i lozim. Hozirgi vaqtda maktab fizika dasturida umumiy ta'lim maktab o'quvchilari uchun zarur bo'lgan fizika fanining asoslarini o'qitish, ularning bilimlarini turmushga yaqinlashtirish maqsadlari ko'zda tutilgan.

Подробнее