История государства и права России с древности до 1861 года - В. К. Цечоев

Скачать книгу

из Онега. Аче не будеть полна ста у Домажирича, а семьдесят выдасть, а дополнок възметь 20 гривен у князя ис клети. Урядил есмь аз святей Софии и написал Никола князь Новогородьскыи Святослав: в Онеге на Волдутове погосте два сорочка, на Тудорове погосте два сорочька, на Ивани погосте с даромь 3 сорочькы, на Ракуле 3, на Спиркове два, у Вихтуя сорочек, в Пинезе 3, в Кегреле 3, устье Емьце два, устье Ваг два, у Пуите сорочек, у Чюдина полъсорочька, у Лигуя с даромь два, у Вавдита с даромь два, у Вели два, у Векшензе два, на Борку сорочек, в Отмине сорочек, в Тоиме сорочек, у Поме полъсорочка, у Тошьме сорочек, у Пененича сорочек, у Порогопустьць полъсорочка, у Валдита два сорочка, на Волоце в Моши два, у Еми скора, а на мори от чрена и от салгы по пузу, у Тудора сорочек.

      В лето 6645 индикта 15. Ожели кто в которое время а то рюшить, или отъиметь, что я урядил князь Никола Святослави с владыкою Нифонтомь, князь, ли или ин кто сильных новогородець, а будеть богу противен и святей Софии.

      А се Обонезьскыи ряд: во Олонци 3 гривны, на Свери грив[на], в Юсколе 3 грив[ны], в Тервиничих 3 грив[ны], у Вьюнице грив[на], устье Паши грив{на], у Пахитка на Паши полъгрив[ны], на Кукуеве горе грив[на], у Пермина грив[на], у Кокорка полъгрив[ны], на Масиеге низ Сяси полъгрив[ны], в поезде от всее земли владыце 10 грив[ен], а попу две грив[не], у Липсуевичь полъгрив[ны], у Тоивота грив[на], в Липне полъгрив[ны].

      А се Бежичьскыи ряд: в Бежичих 6 грив[ен] и 8 кун, Городецьке полъпяты грив[ны], в Змени 5 грив[ен], Езьске 4 грив[ны] и 8 кун, Рыбаньске грив[на] волжьская, вы Изьске полъгрив[ны] волжьская.

      УСТАВНАЯ ГРАМОТА КНЯЗЯ РОСТИСЛАВА 1150 Г.

      1. Во имя отца и сына и святаго духа. Бог и святая богородица и отца моего молитва, приведох епископа Смоленску, сдумав с людми своими, по повелению отца своего святого, еже хотев при животе своем сътворити; но есть [з] де первее сего не бывало епископьи, да яз недостойный, грешный, се уст[в]ляю епископью, о немь же епископу быти живу и с клиросом своим, в свои дни и во свое княженье, еже ми бог дал и отчя молитва.

      2. А се даю святей Богородици и епископу прощеники, с медом, и с кунами, и с вирою, и с продажами, и не надобе их судити никакому же человеку.

      3. И се даю святей Богородици[и] епископу десятину от всех даней Смоленских, что ся в них сходит истых [к]ун, кроме продаже и кроме виры и кроме полюдья: у Вержавлянех у Великих 9 погост, а в тех погостех платит кто ж свою дань и передмер истужници по силе, кто что мога, а в тех погостех а некоторый погибнеть, то ти и десятины убудеть, а в тых погостех во всех сходится дани осмъсот гривен, а передмера сто гривен, а на истужницех сто гривен, то ти из того взяти епископу к святей Богородици сто гривен; а во Врочницех [200?] Гривен, то ти из того взяти епископу 20 гривен; а в Торопчи дани четыриста гривен, а епископу с того взяти 40 гривен; а в Жижци дани 130 гривен, а с того епископу взяти 13 гривен; а в Каспли 100 гривен, а из того епископу взяти 10 гривен; а в Хотшине дани 200 гривен, а из того епископу взяти 20 гривен; а в Жабачеве дани 200 гривен, а из того епископу взяти 20 гривен; а в Вото[р] овичи дани 100 гривен, а из того епископу 10 гривен;

Скачать книгу