LITMIR.BIZ

Скачать книгу

церквей в проскурницах не быти, а жити черницам в девичих монастырех. А над просвирами и над кутьями и над свечами проскурницам не говорили ничего, развее молитвы Исусовы говорити, занеже проскурницы не имут власти ничтотже действовати, ниже в олтарь входити ни в жертвенник, но токмо власть имеют по благословению святительскому или иерейскому дорником на просвирах святый крест воображати с молитвою Исусовою. Иная же ничтоже действуют. Но вся действуют священницы и дьякони: проскомидию творят и святый агнец закалывают, и просвиры выимают все за здравие и за упокой действуют и поминают по уставу святых отец царей и святетелей и всех православных християн о здравии и за упокой. И впредь проскурницам не подобает над просвирами ничтоже приговаривати, но токмо просвиры откладывати и свечи в сосуд или блюдо чисто коемуждо с верою приходящему с благословением и с молитвою Исусовою, сиречь: «Господи Исусе Христе Сыне божий, помилуй нас». И потом да отсылает их ко священником во святую церковь. И тамо от них священницы в жертвенник приемлют и действуют и поминают по уставу святых отец и по священным правилом ничтоже претворяюще о живых за здравие, а о умерших за упокой. А дьяком и пономарем по всем церквам быти единобрачным, второбрачным дьяком и пономарем не быти по священным правилом.

      УКАЗ БОЖЕСТВЕННЫ Я СЛУЖБЫ. КАКО ДОСТОИТ СВЯЩЕННИКУ ИЛИ С ДИЯКОНОМ САУЖИТИ ИЛИ ЕДИНОМУ. ГЛАВА 9

      Сице начало. Станут убо вкупе пред дверьми церковными западными в паперти и вход творят сотворь три поклоны. Дьякон: «Благослови, владыко». Иерей глаголет: «Благословен бог наш». Таже «Царю небесный» и «Трисвятое» по «Отче наш» иерей возглас: «Я ко твое есть царство». Посем: «Господи, помилуй». 12. «Слава и ныне», «Приидете поклонимся» трижды. Таже глаголют тропари сия; «Радуйся двери божия; радуйся, пречистая дево святая, радуйся, владычице и заступнице миру, радуйся, стено и прибежище и покрове граду нашему. Под твою милость прибегаем. Богородице дево, молитв наших не презри в скорбех, но от бед избави нас, едина чистая и благословенная! Господи, отъими от мене беззакония моя и прегрешения моя, да достойно вниду в достояние святаго храма твоего, непроходимая двери тайно знаменана! Благословенная Богородице, дево, приими молитвы наша и донеси я Сыну своему и богу нашему, да спасет тебе ради душа наша. «И посем глаголи тропарь настоящаго дни святаго или святителя или велика мученика, или преподобного отца или апостола и евангелиста. «Святый христов, имярек, пострадавый за Христа, имея дерзновение к нему молися о мне, грешном и недостойном рабе своем, священноиноке или священноиереи имярек». И целуют у дверей на столпцех по странам Спасов образ и пречистой или кресты. И посем входят в церковь священник с дьяконом и сотворяют вкупе к востоком поклоны три, глаголюще тропарь: «Пречистому образу поклоняемся», «Слава и ныне», «Богородичен», «Бога из тебе воплощшася разумехом».

Скачать книгу