LITMIR.BIZ

Скачать книгу

(шестого часа), жена от Самарии прииде почерпати воду, глагола ей Иисус: Даждь Ми пити. Ученицы Его отошли во град, да еду купят. Глагола ему жена Самаряныня: Како ты Жидовин от мене пити просиши, жены Самаряныни, не прикасаютбося Жидове Самаряном.

      Отвеща Иисус и рече ей: Аще бы ведала дар Божий, и Кто глаголяй ти: Даждь пити, ты бы просила у Него, и дал бы ти воду живу. Глагола Ему жена: Господи, ни почерпала имаши, и студенец глубок, откуду имаши воду живу, еда Ты болии отца нашего Иакова, иже даде нам студенец, и той из него пит, и сынове его, и скоти его? Отвеща Иисус и рече ей: Всяк пияй от воды вжаждется паки, а иже пиет от воды, юже Аз дам ему, не вжаждется во веки, но вода, юже Аз Дам ему, будет в нем источник воды текущия в ЖИЗНЬ ВЕЧНУЮ. Глагола к Нему жена: Господи, даждь ми сию воду, да ни жажду, ни прихожду семо почерпати. Глагола ей Иисус: Иди, пригласи мужа твоего и прииди семо. Отвеща жена и рече Ему: Не имам мужа. Глагола ей Иисус: Добре рекла, яко мужа не имам, пять мужей имела, и ныне, его же имаши, несть ти муж, воистину рекла. Глагола Ему жена: Господи, вижу, яко Пророк Ты, отцы наши в горе поклонишася, вы глаголете, яко во Иерусалиме место, идеже кланятися подобает. Глагола ей Иисус: Жено, веру ми ими, яко грядет час, егда ни в горе, ни во Иерусалиме поклонитеся Отцу, вы кланяетеся, Его же не весте, мы кланяемся, Его же вемы, яко спасние от Иудеи, но грядет час, и ныне, егда истиннии поклонницы поклонятся Отцу духом и истиною, ибо отец таковых ищет покланяющихся Ему, Дух есть Бог, и иже кланяется Ему, духом и истиною достоит кланятися. Глагола Ему жена: Вем, яко Мессиа приидет, глаголемый Христос, егда Той приидет, возвестит нам вся. Глагола ей Иисус: Аз есмь, глаголяй с тобою. И тогда приидоша ученицы Его и чудяхуся, яко с женою глаголаше, обаче никто же рече: Чесо ищеши? Или: Что глаголеши с нею? Остави же водонос свой жена, и иде во град, и глагола человеком:

      Приидите и видите человека, иже рече ми вся, елика сотворих, еда Той Христос? Изыдоша же из града, и грядяху к Ему. Между же сим моляху Его ученицы Его, глаголюще: Равви, яждь. Он же рече им: Аз ПИЩЮ (брашно) имам ясти, его же вы не весте. Глаголаху ученицы к себе: Егда кто принесе ему ясти? Глагола им Иисус: Мое брашно, да сотворю волю Пославшаго Мя и совершу дело Его. Не вы ли глаголете, яко еще четыри месяцы, и жатва приидет? Глаголю вам: Возведите очи ваши, и видите нивы, яко плавы к жатве уже, и жняй мзду приемлет, и собирает плод в живот вечный, да и сеяй вкупе радуется, и жняй, о сем Слово есть Истинное, яко ин сеяй, и ин жняй, Аз послах вы жати, идеже вы не трудистеся, инии трудишася, и вы в труд их внидосте.

      От града же того мнози вероваша в Он от Самарян, за слово жены свидетельствующюю, яко рече ми вся, елика сотворих. Егда убо приидоша к нему Самаряне, моляху Его, да бы пребыл у них, и пребысть ту два дни. И много паче вероваша за слово Его, жене же глаголаху, яко не ктому за твою беседу веруем, сами слышахом, и вемы, Воистинну Спас миру, Христос. По двою же дню изыде оттуду, и иде в Галилею, Сам Иисус свидетелствова, яко Пророк во своем

Скачать книгу