LITMIR.BIZ

      Remembres now, ye Flemmynges, upon youre owne shame;

      When ye laide seege to Caleis, ye wer right still to blame;

      For more of reputacioun, ben Englisshmen then ye,

      And comen of more gentill blode, of olde antiquite;

      For Flemmynges come of Flemmed men, ye shall wel undirstand,

      For flemed men & banshid men enhabit first youre land.

      Thus proue I that Flemmynges is but a flemed man,

      And Flaunders, of Flemmynges, the name first began.

      And therfore, ye Flemmynges, that Flemmynges ben named,

      To compare with Englisshmen, ye aught to be ashamed!

      Ye be nothing elles worth, but gret wordes to camp;

      Sette ye still, & bith in pees: God quye you quadenramp!