LITMIR.BIZ

      Қансонарда бүркітші шығады аңға,

      Тастан түлкі табылар аңдығанға.

      Жақсы ат пен тату жолдас – бір ғанибет,

      Ыңғайлы ықшам киім аңшы адамға.

      Салаң етіп жолықса қайтқан ізі,

      Сағадан сымпың қағып із шалғанда.

      Бүркітші тау басында, қағушы ойда,

      Іздің бетін түзетіп аңдағанда.

      Томағасын тартқанда бір қырымнан,

      Қыран құс көзі көріп самғағанда.

      Төмен ұшсам түлкі өрлеп құтылар деп,

      Қандыкөз қайқаң қағып шықса аспанға,

      Көре тұра қалады қашқан түлкі,

      Құтылмасын білген соң құр қашқанға.

      Аузын ашып, қоқақтап, тісін қайрап,

      О да талас қылады шыбын жанға.